पोखरा । कास्कीको नौडांडा घर बताउने तीन बालबालिका पोखरामा अलपत्र परे । एकैघरका समर परियार, सूर्य परियार र सलिना परियार मंगलबार मध्यान्ह १२ बजेदेखि पोखरामा अलपत्र परेका हुन् । उनीहरुको उमेर क्रमशः ११ वर्ष, १० वर्ष र ६ वर्ष रहेको छ ।
राति पर्दै गएपछि रुँदै गरेकी सानी बहिनीका साथमा दाजुभाइलाई न्यूरोड स्थित पद्म नर्सिङ होम अगाडि भेटिएको त्यहाँका स्टाफ समेत रहेका पत्रकार कृष्ण आचार्य रचितले जानकारी दिए । दिनभर भोकभोकै अवस्थामा रहेका उनीहरुलाई खाजा खुवाउँदै परिवारका बारेमा सोधखोज गरिएको थियो ।
बालबालिका अलपत्र अवस्थामा भेटिएको बारेमा जिल्ला प्रहरी कार्यालय कास्कीमा खबर गरिएको छ । बालबालिकाका अनुसार बुबा आमा समेत पोखरा तिरै छन् । घरमा ठूलो दाइ र भाउजु रहेको र उनीहरुले निकालेको बालबालिकाको भनाई छ । ‘कालेदाइ र भाउजुले घर छाडेर जा भन्नुभाको । गोरे दाइ पनि पोखरामै हुनुहुन्छ ।’- समर र सूर्यले भने । बाग्लुङ बसपार्कमा आफन्त रहेको तर घर नचिनेको उनीहरुले बताएका छन् ।
आमा चार-पाँच दिन अगाडि काम गर्न पोखरा झरेको उनीहरु बताउँछन् । उनीहरुले बुबाआमाको नाम वीरबहादुर र राधिका परियार बताएका छन् । अहिले उनीहरुलाई प्रहरीको जिम्मामा पठाइएको छ ।
तस्विरः कृष्ण आचार्य ‘रचित’
सम्बन्धित खबर
पोखरामा सहकारी पीडित संगठित, ६ वटा सहकारीबाट पीडित भएकाहरुले बनाए संघर्ष समिति
पोखरामा चेकजाँच गर्दा प्रहरीमाथि मुक्का लात्ती हान्ने स्कुटर चालक कारबाहीमा
पोखरामा हराएको १७ लाख रुपैयाँ फेलापारी सम्बन्धित धनीलाई फिर्ता
यूनाइटेड क्लबद्वारा पोखरा आरोग्य आश्रममा खाद्यान्न सामाग्री वितरण
यूनाइटेडको रक्तदानमा ८५ यूनिट रगत संकलन
पोखराको राष्ट्र बैंक चोकमा स्कार्पियो र हाइस ठोक्किँदा ८ जना पर्यटक घाइते
यो पनि पढौँ
स्याङ्जामा विवाहकै दिन बेहुलाबेहुली पक्राउ
आँखामा राख्दा पनि नबिझाउने ‘बिनोद सर’ अब सम्झनामा
जनकपुरको होटलमा बेहोस भेटिएकी पोखराकी युवतीको मृत्यु, सँगै बसेका २ युवक फरार
बालकुमारीमा मारिएकाका परिवारलाई कोरियाबाट आर्थिक सहयोग