बाग्लुङ । विद्यालयबाट फर्किरहेका ११ वर्षीय बालकले बाँस ढलेर लत्रिएको तार छुन पुग्छन् । उनको तत्काल मृत्यु हुन्छ । विद्युत आयोजना ५० हजार रुपैंया दिएर मिलापत्र गर्छ । यस्तो पनि हुन्छ ? भैंसी बराबर पनि नसोच्ने ? बाग्लुङ बडीगाड गाउँपालिका ५ (साबिक ग्वालिचौर २ गौतम टोल) का स्थानीयको आक्रोश हो यो ।
लब्दीखोला लघु जलविद्युत आयोजनाको लापर्बाहीले सिद्ध प्रावि कक्षा २ मा पढ्ने वर्ष ११ का कर्ण पुनको विद्युत करेण्ट लागेर घटनास्थलमै मृत्यु भएको हो । उनी विद्यालय छुट्टी भएर घरतर्फ आईरहेका थिए ।
बाटोमा बिजुली तारमा बाँस ढलेर तार लत्रिएको देखेपछि कस्तो तार रहेछ भनेर बालकले छुँदा करेण्ट लागेको प्रत्यक्षदर्शीले जनाएका छन् । लब्दीखोला लघु जलविद्युत परियोजना प्रथम (ख) ले मृतकका परिवारलाई ५० हजार क्षेतिपुर्ति दिने सहमति भएको गाउँपालिका अध्यक्ष मेहरसिँह पाईजाले जानकारी दिएका छन् ।
तुलबहादुर पुनका छोरा मृतक पुनको शव पोष्टमार्टमका लागि प्राथमिक स्वास्थ्यकेन्द्र बुर्तिवाङमा राखिएको ईलाका प्रहरी कार्यालय बुर्तिवाङका प्रनि कृष्ण रानाले बताए ।
कतै करेण्ट लागेर ज्यान गुमाउनेका परिबारलाई लाखौँ रकम क्षतीपूर्ति दिने, कतै एउटा भैँसीको मुल्य सरह जम्मा ५० हजार दिने, यो कहाँको कानून हो ? भन्ने प्रश्न गर्दै स्थानीयले तत्काल उचित क्षेतिपूर्तिको माग गरेका छन् ।
सम्बन्धित खबर
स्याङ्जा भिरकोटका दुईजना अवैध लागूऔषधसहित पक्राउ
पोखराको लेकसाइडबाट अवैध लागु औषध र नगदसहित ४ जना पक्राउ
बागलुङमा रुखबाट खसेर एक जनाको मृत्यु
गण्डकी प्रज्ञा–प्रतिष्ठानले प्रकटका कृति प्रकाशन गरिदिने
पोखरामा सहकारी पीडित संगठित, ६ वटा सहकारीबाट पीडित भएकाहरुले बनाए संघर्ष समिति
पोखरा आउँदै गरेको कार तनहुँमा दुर्घटना, चार जना घाइते
यो पनि पढौँ
स्याङ्जामा विवाहकै दिन बेहुलाबेहुली पक्राउ
आँखामा राख्दा पनि नबिझाउने ‘बिनोद सर’ अब सम्झनामा
जनकपुरको होटलमा बेहोस भेटिएकी पोखराकी युवतीको मृत्यु, सँगै बसेका २ युवक फरार
बालकुमारीमा मारिएकाका परिवारलाई कोरियाबाट आर्थिक सहयोग