तनहुँ । तनहुँको म्याग्दे गाउपालिका वडा नम्बर १ तल्लो गुणादीमा शुक्रबार देखि फ्रेन्डसिप युवा क्लवको आयोजनामा प्रथम फ्रेन्डसिप कप सेभेन ए साइड फुटबल प्रतियोगिता सुरु भएको छ । क्लवका अध्यक्ष दुर्गाराज थापा मगरको अध्यक्षता भएको कार्यक्रमको प्रमुख अतिथि नेपाली काँग्रेसका वरिष्ठ नेता रामचन्द्र पौडेल रहेका थिए । उक्त प्रतियोगिताको उद्घाटन प्रमुख अतिथि वरिष्ठ नेता रामचन्द्र पौडेलले गरेका थिए ।
‘लागू पदार्थ जुवा तास मुक्त गराउने अभियान” भन्ने नारा सहित शुक्रबार बाट सुरु भएको प्रतियोगिता जनैपुर्णिमा सम्म तल्लो गुणादी स्थित खेल मैदानमा संचालन हुने क्लबका अध्यक्ष दुर्गाराज थापाले जानकारी दिए । ‘युवा जगतमा खेलप्रति रुचि राख्ने र स्वास्थ्य सबल बनाउनको लागि आयोजना गरेका हौं क्लव थापाले भने,–‘युवाहरुमा हुने विकृति विसंगति हटाई भावनामत्क सम्बन्धलाई पनि नजिक बनाउने विश्वास गरेका छौं ।’
प्रतियोगिताको विजेता टिमले नगद ७५ हजार ७ सय ५० रुपैयाँ सहित ट्रफि, मेडल र प्रमाणपत्र त्यस्तै उपविजेताले नगद ३५ हजार ३ सय ५० रुपैयाँ सहित ट्रफि, मेडल र प्रमाणपत्र प्राप्त गर्नेछन । साथै प्रतियोगितामा उत्कृष्ट खेलाडी, सर्वाधिक गोलकर्ता, उत्कृष्ट गोलरक्षक र अनुशासित टिमले नगद, मेडल र प्रमाणपत्र प्राप्त गर्ने आयोजकले जनाएको छ । क्वाटरफाइनल पछाडिका प्रत्येक खेलमा म्यान अफ ड म्याच प्रदान गरिने क्लवका अध्यक्ष दुर्गा राज थापा मगरले जानकारी दिए । साथै प्रतियोगितामा ३० समुहको सहभागिता रहेको मगरले बताए ।
जिल्लाका खेलप्रेमी युवावर्ग र क्लवहरु विच आपसी सद्भाव,परिचय संगै स्थानीय प्रतिभाको खोज सहित सामाजिक कार्यमा युवाको अग्रसरतालाई प्राथमिकता राखेर उक्त प्रतियोगिता आयोजना गरिएको आयोजकले जनाएको छ । शुक्रबार आयोजक फ्रेन्डसिप युवा क्लव र व्यास युवा क्लब विच भएको खेलमा ४-० गोल अन्तरले आयोजक विजयी भएको छ । उक्त खेलमा क्लवका अध्यक्ष दुर्गाराज थापा मगरले ३ गोल हानेका थिए ।
त्यस्तै शुक्रबार नै भएको अर्को खेलमा पनि लोकतान्त्रिक युवा कामदार क्लबलाई १ का विरुद्ध २ गोल हानि आयोजक फ्रेन्डसीप युवा क्लब विजयी भएको छ । शुक्रबार बाट सुरु भएको प्रतियोगिता भाद्र १० गते सम्म हुनेछ । कार्यक्रममा प्रमुख अतिथि वरिष्ठ नेता रामचन्द्र पौडेल र नेपाली म्याग्दे गाउँपालिकाकी अध्यक्ष माया राना लगाएतले मन्तव्य राखेका थिए । कार्यक्रमको स्वागत क्लबका उपाध्यक्ष खिम बहादुर थापाले गरेका थिए । फोटो : विकास खनाल
सम्बन्धित खबर
वर्षाले पोखरा-मुग्लिन सडक विस्तार कार्य प्रभावित
लमजुङमा बालिकालाई जबर्जस्ती करणी गर्न खोज्ने पक्राउ
पर्यटक भित्राउन चैत अन्तिम साता घान्द्रुकमा महोत्सव
पोखरा स्वास्थ्य केन्द्र भवनबाट सरकारी कागजात चोर्नेहरू पक्राउ
नेपाल पर्यटन बोर्ड पोखरा स्पोर्टस् अवार्डको प्रवर्द्धक
डाइनामिक युथ लिडर दर्शन लोकप्रिय मतका साथ सचिवमा निर्वाचित
यो पनि पढौँ
स्याङ्जामा विवाहकै दिन बेहुलाबेहुली पक्राउ
आँखामा राख्दा पनि नबिझाउने ‘बिनोद सर’ अब सम्झनामा
जनकपुरको होटलमा बेहोस भेटिएकी पोखराकी युवतीको मृत्यु, सँगै बसेका २ युवक फरार
बालकुमारीमा मारिएकाका परिवारलाई कोरियाबाट आर्थिक सहयोग