सम्पादक रञ्जन अधिकारी सहित पत्रकार रुद्र श्रीष ‘जगन्नाथ स्मृति युवा पत्रकारिता पुरस्कार’बाट सम्मानित हुँदै

सम्पादक रञ्जन अधिकारी सहित पत्रकार रुद्र श्रीष ‘जगन्नाथ स्मृति युवा पत्रकारिता पुरस्कार’बाट सम्मानित हुँदै

Ranjan

गण्डक न्युज, पोखरा ८ चैत । प्रदेश नं. ४ केन्द्रित पोखराबाट सञ्चालित ‘गण्डक न्युज डटकम’ का प्रधान सम्पादक रञ्जन अधिकारीसँगै पोखराका अर्का युवा पत्रकार रुद्र श्रीष मगर पुरस्कृत हुने भएका छन् । नेपाल पत्रकार महासंघ कास्की शाखाद्वारा सञ्चालित ‘स्व. जगन्नाथ सिग्देल स्मृति युवा प्रोत्साहन पत्रकारिता पुरस्कार २०७४ र २०७३’ बाट पत्रकारद्वय पुरस्कृत हुन लागेका हुन् ।

दुवै वर्षको पुरस्कार एकैपटक अर्पण गर्न लागिएको हो । महासंघको बिहीबार बसेको बैठक श्रीस र अधिकारीलाई उक्त पुरस्कार प्रदान गर्ने निर्णय गरेको अध्यक्ष दीपेन्द्र श्रेष्ठले जानकारी दिए । चैत १६ गते शनिबार एक कार्यक्रमका बीच उनीहरुलाई पुरस्कृत गरिनेछ । प्रतिभा छनोट समितिले उनीहरुलाई पुरस्कृत गर्न सिफारिस गरेको थियो । सिग्देलको स्मृतिमा परिवारजनले पुरस्कार स्थापना गरेका हुन् ।

युवा पत्रकारद्वय रुद्र श्रीष मगर र रञ्जन अधिकारी

सम्पादक अधिकारी आदर्श समाज राष्ट्रिय दैनिक, बिग एफएममा कार्यरत छन् । बिगत ९ वर्षदेखि पत्रकारितामा क्रियाशील अधिकारी नेपाल पत्रकार महासंघ कास्की शाखाका कार्यसमिति सदस्य समेत हुन् । खेलकुद पत्रकार मञ्च कास्कीका सचिव अधिकारी धादिङ पत्रकार समाज पोखराका अध्यक्षसमेत हुन् ।

२०६५ सालमा रेडियो अन्नपूर्णबाट पत्रकारिता सुरु गरेका अधिकारी निरन्तर रेडियो पत्रकारितामा सक्रिय छन् । छापा माध्यममा कास्की आवाजबाट अनुभव बटुलेका अधिकारी अनलाईनमा समेत गोलनेपाल डटकम, खेलदैनिक डटकम र एभिन्युज टेलिभिजनमा जोडिएका छन् । गण्डक न्युज सञ्चालन गरेको गण्डक नेपाल मिडिया प्रालिको मनोरञ्जनात्मक अनलाइन पोर्टल ‘मज्जाकोन्युज डटकम’ का समेत उनी सम्पादक हुन् ।

पत्रकार अधिकारीको यो दोस्रो पुरस्कार हो । ‘यातायात पत्रकारिता पुरस्कार २०७३’ बाट सम्मानित अधिकारी सबै क्षेत्रमा कलम चलाउँदै आएका छन् ।

यस्तै, पत्रकार श्रीस कास्की आवाज राष्ट्रिय दैनिक र फेवा टेलिभिजनमा आबद्ध छन् । उनी बिगत ११ वर्षदेखि पत्रकारितामा क्रियाशील छन् । नेपाल मगर पत्रकार महासंघका उपमहासचिव, नेपाल आदिबासी जनजाति पत्रकार महासंंघका केन्द्रीय पार्सद श्रीस नेपाल पत्रकार महासंघ कास्की शाखाका साधारण सदस्य पनि हुन् ।

प्रतिभा छनोट समितिमा पुण्य पौडेल, घनश्याम पाण्डे, दुर्गा अधिकारी, महासंघका अध्यक्ष दीपेन्द्र श्रेष्ठ र सचिव रामप्रसाद तिमिल्सिना रहेका थिए ।

प्रतिक्रिया

लेखकको बारेमा

गण्डक न्यूज

गण्डक न्यूज

गण्डक न्यूज डेस्क

ट्रेन्डिङ


This will close in 2 seconds