Gandak News
Our News Your Views
sag adv
Lets

एम्बुलेन्स दुर्घटनामा एकै परिवारका ६ जनाको ज्यान गएपछि वडाले दियो बिदा

Loading...

उदयपुरको त्रियुगा नगरपालिका वडा नम्बर १० वडा कार्यालयले एकै परिवारका ६ जनाको ज्यान जाने दुर्घटना भए पछि वडा कार्यालयले शोक प्रस्ताव पारित गर्दै मंसीर १६ गते सोमबार एक दिन वडा शोक विदाको घोषणा गरेको छ।

त्रियुगा नगरपालिका वडा नम्बर १० अन्तर्गतका कार्यालय, निजि तथा सामुदायीक विद्यालयहरु एक दिन विदा दिने निर्णय गरिएको वडाध्यक्ष प्रकास कुमार खड्काले जानकारी दिए। दुर्घटना परी त्रियुगा नगरपालिका वडा नम्बर १० का ८६ वर्षी शिवमाया राई, उनका छोरा तुल बहादुर राई, नातीहरु दुर्गाधन राई, टेकेन्द्र राई, ज्वाई उद्धब राई, भतिज दिनेश राई र एम्बुलेन्स चालक त्रियुगा नगरपालिका ९ का राजेश दनुवारको घटना स्थलमानै मृत्यु भएको थियो।

पूर्वपश्चिम राजमार्गअन्तर्गत सुनसरीको हरिपुरमा विराटनगरबाट फर्कदै गरेका को १ च ९३६४ नम्बर एम्बुलेन्स र वीरगंजबाट आउदै गरेको ना २ ख ९२८२ नम्बरको ट्रक शनिबार राति १२ बजेर २० मिनेटमा दुर्घटना भएको थियो।

त्यसैगरी सिटि सवारी यातायात उदयपुर प्रालि, सिटि स्टार यायायात प्रालि र त्रियुगा सिटि यातायात प्रालिले पनि सोमबार शोक मनाउने निर्णय गरेको छ। आफ्ना सहकर्मी दिनेश राईसहित सुनसरी दुर्घटनामा मुत्यु भएकाहरुको शोकमा तीन पांग्रे सवारी चालकहरुले विहान ८ देखि १० बजे सम्म दुई घण्टा सवारी संचालन नगरी शोक मनाए।

Pokhara Internet
प्रतिक्रिया
लोड हुँदै ...

छुटाउनुभयो कि ?

साताको ट्रेन्डिङ

महिनाभर सर्वाधिक पढिएको