पोखरा नदिपुरस्थित पोखरा कलेज अफ म्यानेजमेन्ट (पिसिएम) का विद्यार्थीका लागि शेयर लगानी सम्बन्धी तालिम ‘इन्भेस्टमेण्ट अवेरनेस प्रोग्राम’ सम्पन्न भएको छ

प्रिमियर सेक्यूरिटीजको आयोजना तथा पिसिएमको व्यवस्थापनमा भएको तालिममा कलेजमा अध्ययनरत विद्यार्थीको उत्साहजनक सहभागिता रहेको थियो ।

पढाई सँगसँगै विभिन्न किसिमका उत्प्रेरणात्मक कार्यक्रमबाट विद्यार्थीहरूको मनोबल बढाउने उद्देश्यले कलेजले यो कार्यक्रम गरेको बीसीआईएस संयोजक हरिप्रसाद बरालले बताए ।

प्रिमियर सेक्यूरिटीजका तर्फबाट पोखरा शाखाका प्रमुख दिपक पौडेल, काठमाडौं केन्द्रीय कार्यालयका डिम्याट प्रमुख सूर्य खनाल, केन्द्रीय कार्यालयका मार्केटिङ प्रमुख सुविना तुलाधर, विक्रम चित्रकार र सञ्जीव घिमिरेले शेयरबजारका बारेमा प्रस्तुतिकरण दिएका थिए ।

करिब २ घन्टा सन्चालन भएको कार्यक्रममा बीबीए कार्यक्रम संयोजक हरि अधिकारीले धन्यवाद मन्तव्य व्यक्त गरेका थिए । कार्यक्रमको सञ्चालन शिविच्छ्या नेपाली र समिक्षा तिमिल्सिनाले गरेका थिए ।