पोखरा नदीपुर स्थित पोखरा कलेज अफ म्यानेजमेन्ट (पिसीएम) बाट उच्च शिक्षा लिने उद्देश्यले कलेजमा भर्ना भएका नयाँ विद्यार्थीलाई अभिमुखीकरण कार्यक्रम गरिएको छ ।

बीसीएसआईटी, बीबीए, बीबीए (फाइनान्स) मा भर्ना भएका नयाँ २०२४ ब्याचका विद्यार्थीहरुका लागि कलेजले एक कार्यक्रमका बीच अभिमुखीकरण गरेको हो ।

पीसीएम हलमा भएको कार्यक्रममा संयोजकद्वय ई. हरिप्रसाद बारलले बीसीएसआईटी र हरि अधिकारीले बीबीएका विद्यार्थीलाई अभिमुखीकरण गरे । १४० भन्दा बढी नयाँ विद्यार्थीहरु कार्यक्रममा सहभागी थिए ।

नयाँ विद्यार्थीलाई स्वागत गर्दै क्याम्पसका प्राचार्य लिना नेगी श्रेष्ठले उज्ज्वल भविष्यका लागि उच्च शिक्षा अध्ययन गर्न पिसीएम चयन गरेकोमा धन्यवाद ज्ञापन गरिन् ।

प्राचार्य श्रेष्ठले क्याम्पस सम्बन्धी नियम लगायतका बारेमा जानकारी दिँदै अनुशासन र विद्यार्थीको दायित्वका बारेमा सहजीकरण गरिन् ।

कार्यक्रमका झलकहरूः