चितवन । सञ्चार तथा सूचना प्रविधि मन्त्री गोकुलप्रसाद बास्कोटाले अमेरिकामा आतंकवादलाई संरक्षण गर्दै लेखेमा पत्रकारलाई मृत्युदण्ड समेत दिने गरेको बताएका छन् । मंगलबार नेपाल टेलिकम दूरसञ्चार कार्यालय सौराहाको फाइबर टु द होम सेवाको उद्घाटन गर्दै बास्कोटाले आतंकवादलाई संरक्षण गर्दै लेखेमा पत्रकारलाई अमेरिकामा एक करोडसम्मको जरिवाना र मृत्युदण्ड समेत दिने गरेको बताएका हुन् ।
प्रेसका नाममा छाडातन्त्र गर्ने काम स्वतन्त्रताको मूल्य र मानक नभएको उनको भनाई छ । स्वतन्त्र प्रेसलाई कमजोर बनाउने काम भने सरकारबाट नहुने सञ्चारमन्त्री बास्कोटाले बताए । सरकार प्रेसप्रति पूर्वाग्राही नभएको स्पष्ट गर्दै उनले विधेयक ल्याउँदा विदेशी र स्वदेशी प्रचलन समेत हेरिएको बताए ।अरु नै कुरा मनमा राखेर चलाइएको होहल्लाबाट प्रभावित हुन नसकिने बताउँदै मन्त्री बाँस्कोटाले बहिष्कारको अर्थ नभएको जिकिर समेत गरेका छन् ।
समाचार लेखेर कोही पनि पक्राउ पर्दैन भन्दै उनले गलत मिशनमा लागेर शान्ति र न्यायलाई चुनौती दिने हकमा कानून सक्रिय हुने बताए ।संविधान भन्दा बाहिर कुनै पनि कानून नबन्ने बताउँदै उनले प्रायोजित आन्दोलनको कुनै ओखती नहुने बताए । सरकारले अहिले समानुपातिक विज्ञापन प्रणाली लागू गर्न खोजेको भन्दै उनले यसले साना मिडियालाई सहयोग पुग्ने पनि बताएका छन् ।
सम्बन्धित खबर
पोखराको लेकसाइडबाट अवैध लागु औषध र नगदसहित ४ जना पक्राउ
पोखरामा हराएको १७ लाख रुपैयाँ फेलापारी सम्बन्धित धनीलाई फिर्ता
पोखराको राष्ट्र बैंक चोकमा स्कार्पियो र हाइस ठोक्किँदा ८ जना पर्यटक घाइते
पत्रकार फणिन्द्र र उनका परिवारलाई धम्की दिने क्षेत्रीलाई कारवाही गर्न माग
एसईईको तयारी पूरा
पोखरा -१५ ठूलीमजुवामा मोटरेबल पुलको शिलान्यास
यो पनि पढौँ
स्याङ्जामा विवाहकै दिन बेहुलाबेहुली पक्राउ
आँखामा राख्दा पनि नबिझाउने ‘बिनोद सर’ अब सम्झनामा
जनकपुरको होटलमा बेहोस भेटिएकी पोखराकी युवतीको मृत्यु, सँगै बसेका २ युवक फरार
बालकुमारीमा मारिएकाका परिवारलाई कोरियाबाट आर्थिक सहयोग