लक्ष्मीपूजाको अवसरमा फिल्म ‘लक्ष्मी रानी’ निर्माण घोषणा भएको छ । बुधबार राजधानीमा एक गीत रेकर्ड गर्दै फिल्मको शुभ मुहूर्त गरिएको हो । महिलाप्रधान कथामा आधारित यस फिल्मबाट अभिनेत्री समेत रहेकी शुभेच्छा थापा निर्देशकको रुपमा डेब्यु गर्दैछिन् । कलाकारको रूपमा शुभेच्छा लिड फिमेल भूमिकामा छिन् भने पटकथा लेखन पनि उनैको रहेको जानकारी दिइएको छ ।
लामो समयदेखि पत्रकारितामा सक्रिय विनोद त्रिपाठी ‘लक्ष्मी रानी’बाटै नेपाली फिल्म उद्योगमा निर्माताको रुपमा प्रवेश गर्दैछन् । यस फिल्ममा उनको समेत विशेष भूमिका हुनेछ । विगतमा कान्तिपुर दैनिकसँग आबद्ध उनी हाल सौर्य दैनिकका सम्पादकसमेत हुन् । माओवादी द्वन्द्वकालमा चर्चित पत्रकार त्रिपाठी राजनीतिक रिपोर्टिङमा दखल राख्छन् । फिल्मी क्षेत्रमा उनको यो पहिलो पाइला हो ।
निर्माता त्रिपाठीले ‘लक्ष्मी रानी’ नेपाली फिल्ममा कोशेढुंगा बन्ने दाबी गरे । हाम्रो सामाजिक परिवेशमा एकथरि महिलाको संघर्षमा आधारित चलचित्र भएको उनले जानकारी दिए । चलचित्रले गहन बिषयबस्तु पस्किने भएकोले सबै दर्शकको रोजाई बन्ने उनको विश्वास छ ।
निर्देशक थापाकाअनुसार फिल्मले आधुनिक र ग्रामीण दुई आयामका महिलाको संघर्ष र प्रवृत्तिको कथा भन्छ । उक्त फिल्मको टिजर पोस्टरमा सहरिया युवतीले बेद र ग्रामीण युवतीलाई अंग्रेजी पुस्तक समातेको चित्रण छ । फिल्ममा शुभेच्छा र विनोदसहित भोजपुरी फिल्मका सुपरस्टार परदेशी शाह, जयकिसन बस्नेत, मिथिला शर्मा, श्याम राई र पल्पसा डंगोलको समेत मुख्य भूमिका हुनेछ ।
आगामी वर्ष २०७६ को लक्ष्मीपूजालाई रिलिज डेट तोकिएको छ । बुधबार बबुल गिरीद्वारा संगीतबद्ध देउसी गीत रेकर्ड गरियो । जसमा ध्रुव अधिकारी र संगीता तिमल्सिनाले स्वर दिएका छन् । शब्द शंकर अधिकारी घायलको हो । संगीतकार गिरीले तिहारसम्बद्ध गीत समेटिएको बताए । दिव्य सुवेदीको छायांकन रहेको फिल्म पुसदेखि फ्लोरमा जानेछ । सुदुरपश्चिमको दार्चुलामा छायांकन गरिने फिल्मको बजेट ७० लाख आँकलन गरिएको चलचित्र युनिटले जानकारी दिएको छ ।
सम्बन्धित खबर
दोस्रो सातामा ‘महाजात्रा’, क्युएफएक्सले भन्यो ‘सुपरहिट’
‘महाजात्रा’ को दोस्रो गीत ‘मुरी मुरी साथी’ सार्वजनिक (भिडियो)
‘महाजात्रालाई १० मा ९.५ नम्बर दिन्छु’ : अध्यक्ष ओली
आज हिमाली र पहाडी क्षेत्रमा होली पर्व मनाइँदै, सार्वजनिक बिदा
रेवान पोखराले स्वदेशी विदेशी सामेल गरि होली महोत्सव गर्ने
सिनेमा हेरिसकेपछि प्रतिक्रियाका लागि कास्कीका दुई हलमा चपसले राख्यो रिभ्यू बक्स
यो पनि पढौँ
स्याङ्जामा विवाहकै दिन बेहुलाबेहुली पक्राउ
आँखामा राख्दा पनि नबिझाउने ‘बिनोद सर’ अब सम्झनामा
जनकपुरको होटलमा बेहोस भेटिएकी पोखराकी युवतीको मृत्यु, सँगै बसेका २ युवक फरार
बालकुमारीमा मारिएकाका परिवारलाई कोरियाबाट आर्थिक सहयोग