तनहुँ । भानु नगरपालिकाको विभिन्न वडाबाट बालबालिकालाई आक्रमण गर्ने नरभक्षी चितुवा आइतबार मृत अवस्थामा फेला परेको छ ।
भानु नगरपालिका–२ स्थित देउराली सामुदायिक वनमा नरभक्षी भाले चितुवा मृत अवस्थामा फेला परेको डिभिजन वन कार्यालय तनहुँले जनाएको छ । दमाैलीबाट कृष्ण न्याैपानेले समाधान दैनिकमा लेखेका छन् ।
चितुवाको आक्रमणबाट भानु नगरपालिकामा ३ बालबालिकाको मृत्यु भएको थियो । चितुवा नियन्त्रणका लागि मंसिर १५ गतेदेखि टोली परिचालन भए पनि चितुवा नियन्त्रणमा लिन सकिएको थिएन ।
डिभिजन वन कार्यालय तनहुँका प्रमुख केदार बरालले मृत अवस्थामा फेला परेको चितुवा सोही नरभक्षी चितुवा रहेको पुष्टि गरे । उनले भने, ‘सिसी क्यामरामा कैद भएका तस्बिरका आधारबाट बालबालिकालाई आक्रमण गर्ने चितुवा सोही रहेको पुष्टि भएको छ ।’
चितुवा नियन्त्रणका लागि वन क्षेत्रमा सिसि क्यामरा जडान गरी जंगलको विभिन्न स्थानमा पासो समेत थापिएको थियो । साथै चितवन राष्ट्रिय निकुञ्जबाट आएको प्राविधिक टोलीले जंगलमा फुट ट्रयाप समेत राखेको थियो । चितुवा नियन्त्रणका लागि दैनिक रुपमा नेपाल प्रहरी, सशस्त्र प्रहरी, वन कार्यालयको कर्मचारी र स्थानीय मानिसहरु वन क्षेत्रमा परिचालित थिए ।
चितुवाको आक्रमणबाट २०७४ फागुन १ गते भानु नगरपालिका–३ दोरदोरका ६ वर्षीय विशाल श्रेष्ठ, २०७५ कात्तिक २९ गते भानु नगरपालिका–४ जोखानेका ४ वर्षीया रन्जिता लम्साल र मंसिर १५ गते भानु नगरपालिका–२ ढल्केवरका १० वर्षीय अमृत गुरुङको मृत्यु भएको थियो ।
सम्बन्धित खबर
पोखरामा सहकारी पीडित संगठित, ६ वटा सहकारीबाट पीडित भएकाहरुले बनाए संघर्ष समिति
पोखरा आउँदै गरेको कार तनहुँमा दुर्घटना, चार जना घाइते
पोखरामा चेकजाँच गर्दा प्रहरीमाथि मुक्का लात्ती हान्ने स्कुटर चालक कारबाहीमा
आगो निभाउँदा स्याङ्जाकी रेउसरीको ज्यान गयो
पोखरामा हराएको १७ लाख रुपैयाँ फेलापारी सम्बन्धित धनीलाई फिर्ता
यूनाइटेड क्लबद्वारा पोखरा आरोग्य आश्रममा खाद्यान्न सामाग्री वितरण
यो पनि पढौँ
स्याङ्जामा विवाहकै दिन बेहुलाबेहुली पक्राउ
आँखामा राख्दा पनि नबिझाउने ‘बिनोद सर’ अब सम्झनामा
जनकपुरको होटलमा बेहोस भेटिएकी पोखराकी युवतीको मृत्यु, सँगै बसेका २ युवक फरार
बालकुमारीमा मारिएकाका परिवारलाई कोरियाबाट आर्थिक सहयोग