पोखराको उत्तमचोकमा गोली चल्दा प्रहरीसहित लागुऔषध कारोबारी युवक घाईते भएका छन् । लगत्तै प्रहरी टोलीले अमरसिंह चौर नजिकैबाट अर्का महिलालाई लागुऔषध सहित पक्राउ गरेको छ ।
लागुऔषध कारोबारी गोबिन्द थापा (जोन)को पश्चिमाञ्चल क्षेत्रीय अस्पतालमा उपचार भइरहेको जिल्ला प्रहरी कार्यालय कास्कीले पुष्टी गरेको छ । उनको बायाँ गोडामा गोली लागेको छ । थापा खतरा मुक्त छन् । स्थानियबासीका अनुसार लागुऔषधसहित भएका व्यक्तिलाई नियन्त्रणमा लिन खोज्दा उनले उल्टै प्रहरीलाई चिर्पटले हिर्काएर भाग्न खोजेका थिए ।
प्रहरीमाथि नै जाईलागेपछि बाध्य भएर प्रहरीले गोली चलाउनुपरेको प्रहरी स्रोतले जनाएको छ । घाईते प्रहरी जुनिअर अधिकृत (प्रहरीले नाम गोप्य राखेको) लाई पार्कल्याण्ड हस्पिटल अमरसिंहचोकमा सामान्य उपचार गरेर डिस्चार्ज गरिसकिएको छ । उनको बायाँ गोडामा सामान्य चोट लागेको छ ।
प्रहरी निरीक्षक गणेश सुवेदी नेतृत्वको प्रहरी टोलीले थापालाई पक्राउ गर्न सफल भएको हो । आक्रमणमा उत्रिएपछि प्रहरीले उनलाई घुँडामुनी गोली हानेर नियन्त्रणमा लिएको थियो ।
थापासँगै भएका भनिएका अर्का एक जना व्यक्ति फरार रहेको र उनको खोजी तीव्र पारिएको प्रहरीले जनाएको छ । थापाको साथबाट डाईजोपाम, नुर्फिन र फेनार्गनलगायत १५ सय थान लागूऔषध बरामद गरेको प्रहरीले जनाएको छ ।
तत्काल अमरसिंहबाट ड्रग्ससहित महिला पनि पक्राउ
गोली चलाएर थापा पक्राउ गरे लगत्तै नजिकै अमरसिंह चौर क्षेत्रबाट अर्की महिला लागुऔषध सहित पक्राउ परेकी छन् । ९ सय थान लागुऔषध नियन्त्रणमा लिइएको प्रहरी श्रोतले जनाएको छ । एसपी दानबहादुर कार्कीले कास्की प्रहरीको प्रमुखको जिम्मेवारी सम्हालेलगत्तै लागूऔषध नियन्त्रणमा सक्रिय रुपमा लागेको एक पछि अर्को घटनाले प्रमाणित हुँदै गएको छ ।
सम्बन्धित खबर
वर्षाले पोखरा-मुग्लिन सडक विस्तार कार्य प्रभावित
पर्यटक भित्राउन चैत अन्तिम साता घान्द्रुकमा महोत्सव
पोखरा स्वास्थ्य केन्द्र भवनबाट सरकारी कागजात चोर्नेहरू पक्राउ
नेपाल पर्यटन बोर्ड पोखरा स्पोर्टस् अवार्डको प्रवर्द्धक
डाइनामिक युथ लिडर दर्शन लोकप्रिय मतका साथ सचिवमा निर्वाचित
एमाले कास्की अध्यक्षमा बैनबहादुर अधिकारी क्षत्री निर्वाचित, अधिकारीको प्यानल नै विजयी
यो पनि पढौँ
स्याङ्जामा विवाहकै दिन बेहुलाबेहुली पक्राउ
आँखामा राख्दा पनि नबिझाउने ‘बिनोद सर’ अब सम्झनामा
जनकपुरको होटलमा बेहोस भेटिएकी पोखराकी युवतीको मृत्यु, सँगै बसेका २ युवक फरार
बालकुमारीमा मारिएकाका परिवारलाई कोरियाबाट आर्थिक सहयोग