गोरखा नगरपालिका १ ताप्लेको जनज्योति आधारभूत विद्यालयबाट दुई वालवालिका हराएका छन्। सोमबार दिउँसो १ः३० बजे विद्यालयकै प्रांगणमा खेलिरहेका आठवर्षका शिशिर पनेरु र छ वर्षकी शिरिष्मा पनेरु हराएको विद्यालयका प्रधानाध्यापक भीमराज श्रेष्ठले जानकारी दिए।
‘खाजा खाने बेला थियो। हामी सबै अफिसमै खाजा खाइरहेका थियौं,’ उनले भने, ‘विद्यार्थी ग्राउण्डमा खेलिरहेका थिए।एक्कासी शिशिर र शिरिष्मालाई लग्यो भन्दै विद्यार्थीहरू आए। हामी बाहिर जाँदा कोही थिएन।’ उनीहरूलाई मुखमा माक्स बाँधेर आएकी एक महिलाले लगेको विद्यार्थीलाई उदृत गर्दै प्रअ श्रेष्ठले बताए।
उनीहरू हराएपछि विद्यालयले प्रहरीलाई खबर गरेको छ। जिल्ला प्रहरी कार्यालय गोरखाका एसपी बिमल बस्नेतले उनीहरूको खोजी कार्य भइरहेको बताए। विद्यालय र गाउँलेले भने उनीहरूकै आमाले लगेको शंका गरेका छन्। ‘जहाँसम्म लाग्छ उनीहरूलाई आमाले नै लगेको हो’ प्रअ श्रेष्ठले भने।
आमा शुष्मा पाँच महिना अघिदेखि घर छोडेर हिँडेकी थिइन्। बाबु गौरब भने रोजगारीको शिलशिलामा विदेशमा छन्। उनीहरूलाई हजुर बुबाले रेख-देख गर्दै आइरहेका थिए।
सम्बन्धित खबर
स्याङ्जा भिरकोटका दुईजना अवैध लागूऔषधसहित पक्राउ
पोखराको लेकसाइडबाट अवैध लागु औषध र नगदसहित ४ जना पक्राउ
बागलुङमा रुखबाट खसेर एक जनाको मृत्यु
गण्डकी प्रज्ञा–प्रतिष्ठानले प्रकटका कृति प्रकाशन गरिदिने
पोखरामा सहकारी पीडित संगठित, ६ वटा सहकारीबाट पीडित भएकाहरुले बनाए संघर्ष समिति
पोखरा आउँदै गरेको कार तनहुँमा दुर्घटना, चार जना घाइते
यो पनि पढौँ
स्याङ्जामा विवाहकै दिन बेहुलाबेहुली पक्राउ
आँखामा राख्दा पनि नबिझाउने ‘बिनोद सर’ अब सम्झनामा
जनकपुरको होटलमा बेहोस भेटिएकी पोखराकी युवतीको मृत्यु, सँगै बसेका २ युवक फरार
बालकुमारीमा मारिएकाका परिवारलाई कोरियाबाट आर्थिक सहयोग