श्यामशितल परियार,लमजुङ । लमजुङको सुन्दरबजार नगरपालिका–६ खत्रीठाँटीमा दोश्रो खत्रीठाँटी खुला रनिङ शिल्ड फुटवल प्रतियोगिता सुरु भएको छ ।स्थानीय जनशक्ति युवा क्लवको आयोजनामा मंगलबारबाट फुटवल प्रतियोगिता सुरु भएको हो ।
गण्डकी प्रदेशका भौतिक पूर्वाधार तथा योजना मन्त्री रामशरण बस्नेतले प्रतियोगिताको उद्घाटन गरेका हुन् । प्रतियोगिताको उद्घाटन सत्रमा बोल्दै उनले मानव स्वास्थ्यका लागि खेलकुदको महत्वपूर्ण रहेको उल्लेख गरे । गाउँगाउँमा फुटवल प्रतियोगिता हुनु आफैँमा गर्वको कुरा रहेको उनले बताए ।
आयोजक क्लवका अध्यक्ष नवीनकुमार श्रेष्ठका अनुसार प्रतियोगितामा ३० फुटवल समूहले सहभागिता जनाएका छन् । प्रतियोगितामा प्रथम हुनेले नगद १ लाख ट्रफी, मेडल र प्रमाणपत्र पाउने छन् । द्धितीय हुनेले नगद ५० हजार रुपैयाँ, मेडल र प्रमाणपत्र रहेको छ ।
सर्वाधिक गोलकताका साथै उत्कृष्ट खेलाडीले नगद ५ हजार रुपैयाँ र प्रमाणपत्र पाउनेछन् । लुकेर बसेका खेलप्रतिभालाई उपाजगर गर्नुका साथै युवालाई रचनात्मक काममा लाग्न अभिप्रेरित गर्ने उद्धेश्यका साथ प्रतियोगिता आयोजना गरिएको क्लवले जनाएको छ ।
सरोकारवालहरुले स्थानीय जनशक्ति युवा क्लवले खेलकुदका साथै समाजमा रहेका विकृति– विसंगति न्युनिकरणमा काम गर्दै आएकोमा खुशी व्यक्त गरेका छन् ।
समाजमा परिवतर्न आउने खालका सकारात्मक काम गर्न क्लव अबका दिनमा पनि लागिपर्नु जरुरी रहेको उनीहरुले बताएका छन् । प्रतियोगितात्मक खेल भने बुधबार बिहानबाट सुरु हुनेछ ।
सम्बन्धित खबर
गण्डकीमा डायलाइसिस सेवाको प्रतिक्षामा रहेकाको संख्या शुन्यमा झार्ने लक्ष्य पुरा
मगर विद्यार्थी संघ पिएन क्याम्पसको अध्यक्षमा अनोक पुलामी
भूकम्पको स्मरणः बारपाकमा आज सार्वजनिक बिदा
पर्यटकीय राजधानीलाई सफल बनाउन तीन तहकै सरकारको भूमिका महत्वपूर्ण : मुख्यमन्त्री अधिकारी
पोखराको चाउथेमा दुर्घटना: १९ वर्षीया खुसीको मृत्यु, स्कुटर चालक विनिता घाइते
सीप सिकौं, दक्ष बनौं भन्दै पोखरा १३ द्वारा निशुल्क तालिम, ४५ जना लाभन्वित
यो पनि पढौँ
स्याङ्जामा विवाहकै दिन बेहुलाबेहुली पक्राउ
आँखामा राख्दा पनि नबिझाउने ‘बिनोद सर’ अब सम्झनामा
जनकपुरको होटलमा बेहोस भेटिएकी पोखराकी युवतीको मृत्यु, सँगै बसेका २ युवक फरार
बालकुमारीमा मारिएकाका परिवारलाई कोरियाबाट आर्थिक सहयोग