पोखरा । उमेर ३६ वर्ष, युवा जोश, उमेर अनुसारको रिस । त्यतिबेलाको कुकर्मको फल अब ५६ वर्ष हुँदा भोग्नुपर्ने भएको छ कास्की घान्द्रुकका कुमार गुरुङले । हत्या गरेको २० वर्षपछि उनले सजाय भोग्नेछन् । जिल्ला प्रहरी कार्यालय कास्कीले कुमारलाई लुकीछिपि बसेको अवस्थामा आइतबार पक्राउ गरेको हो ।
घटना विवरणः
मिति २०५६ माघ ४ गते साझँ साढे ६ बजेको समयमा साबिक जिल्ला कास्की घान्द्रुक गा.बि.स. वडा नं.७ (हाल अन्नपूर्ण गा.पा. वडा नं. ११) बस्ने बर्ष ३१ को मन प्रसाद गुरुङलाई धारिलो हतियार प्रहार गरी सख्त घाईते बनाएकोमा मनको भोलिपल्ट मृत्यु भयो । हत्या गर्ने तत्काल बर्ष ३६ (हाल ५६ बर्ष) का कुमार गुरुङले हंगकंग आइडीको विषयमा विवाद भएपछि धारिलो हतियार प्रहार गरेका थिए । मृतकका बुबा धनकाजी गुरुङले जाहेरी दिई प्रहरीले घटना अनुसन्धान शुरु गरेको थियो ।
घटना लगत्तै कुमार फरार भई म्याग्दी जिल्लाको बिभिन्न स्थानमा लुकिछिपी बसेको र २ बर्ष पछि भारत तर्फ गई कामकाज गरि उतै बसेका थिए । करिब १४ बर्ष भारत बसी केही बर्ष अगाडि बाबुको मृत्यु भएपछि घर फर्केर कास्की जिल्ला कै बिभिन्न स्थानमा लुकिछिपी बस्दै आएका थिए । उनलाई साउन ५ गते आइतबार कास्की अन्नपूर्ण गा.पा. वडा नं. ११ बाट पक्राउ गरिएको कास्की प्रहरीले जनाएको छ ।
कर्तब्य ज्यान मुद्दामा कुमारलाई प्रहरी कार्यालयको हिरासतमा राखी थप अनुसन्धानको कार्य अगाडी बढाइएको छ ।
सम्बन्धित खबर
पर्यटकीय राजधानीलाई सफल बनाउन तीन तहकै सरकारको भूमिका महत्वपूर्ण : मुख्यमन्त्री अधिकारी
पोखराको चाउथेमा दुर्घटना: १९ वर्षीया खुसीको मृत्यु, स्कुटर चालक विनिता घाइते
सीप सिकौं, दक्ष बनौं भन्दै पोखरा १३ द्वारा निशुल्क तालिम, ४५ जना लाभन्वित
पोखरामा १० केजी दुर्लभ वन्यजन्तुको मासुसहित एक पुरूष पक्राउ
पोखरास्थित दराज अनलाइनको कार्यालयबाट नगद तथा सामान चोरी गर्ने ३ जना पक्राउ
पोखरा १० द्वारा वडा भित्रका सामुदायिक विद्यालयलाई स्टेशनरी वितरण
यो पनि पढौँ
स्याङ्जामा विवाहकै दिन बेहुलाबेहुली पक्राउ
आँखामा राख्दा पनि नबिझाउने ‘बिनोद सर’ अब सम्झनामा
जनकपुरको होटलमा बेहोस भेटिएकी पोखराकी युवतीको मृत्यु, सँगै बसेका २ युवक फरार
बालकुमारीमा मारिएकाका परिवारलाई कोरियाबाट आर्थिक सहयोग