श्यामशितल परियार, लमजुङ । यही फागुन १७ गतेदेखी २६ गतेसम्म छैटौँ लमजुङ महोत्सव हुने भएको छ ।
लमजुङ उद्योग वाणिज्य संघको आयोजनामा महोत्सव हुन लागेको आईतबार बेसीशहरमा पत्रकार भेटघाट कार्यक्रममार्फत जानकारी गराईएको छ ।
‘स्थानीय उत्पादन, सँस्कृति तथा पर्यटन, नागरिक समृद्धिका लागि लगानी वितरण’ भन्ने नाराका साथ महोत्सव सञ्चालन हुन लागेको हो ।
जिल्लाको कृषि, जडिबुटी, पर्यटन, जलविद्युतको साथै स्थानीय व्यापार–व्यवसायको प्रवद्र्धन गर्नका लागि छैटौँ लमजुङ महोत्सव सञ्चालन गर्न लागिएको लमजुङ उद्योग वाणिज्य संघका अध्यक्ष राजेश थापाले बताए ।
उनका अनुसार बेसीशहर नगरपालिका–८, दनाइँफाँटमा १० दिनसम्म लमजुङ महोत्सव चल्नेछ ।
महोत्सवमा २५० स्टल रहने छन् । महोतसवको तयारी तीव्र पारिएको उनले बताए ।
महोत्सवमा विद्यालय स्तरीय नृत्य प्रतियोगिता, पुस्तक प्रदर्शनी, आईटी प्रदर्शनी, कृषि उपज प्रदर्शनी, पुष्प प्रदर्शनी, व्यावसायिक प्याराग्लाइडिङ, आन्तरिक पर्यटन टुर प्याकेज, जातीय संग्रहालयको प्रदर्शनी, पर्यटन सूचना केन्द्र सञ्चालन, फोटो तथा वृत्तचित्र प्रदर्शनी, स्थानीय साना तथा मझौला, उद्यमीहरुको उत्पादन प्रदर्शनी, उत्पादनमुखी मेशिन औजार प्रदर्शनी, विभिन्न किसिमका सामानहरुको व्यापारिक प्रदर्शनी हुनेछ ।
यसैगरी, महोत्सवकै अवसरमा राष्ट्रकवि माधवप्रसाद घिमिरेलाई सम्मान गर्ने कार्यक्रम समेत तय गरिएको छ ।
लमजुङ उद्योग वाणिज्य संघका महासचिव कृष्णजंग गुरुङका अनुसार महोत्सवमा दिनहुँ राष्ट्रिय तथा स्थानीय कलाकारको प्रस्तुती, गृहिणी नृत्य प्रतियोगिता, कविता प्रतियोगिता, गजलसाँझ र नाटक प्रदर्शनी समेत हुनेछ ।
उनका अनुसार महोत्सवकै अवसरमा फागुन १८ गते साँझ ४ बजेपछि अभया सुब्बा ब्याण्डको कन्सर्ट समेत हुनेछ ।
सम्बन्धित खबर
डढेलो निभाउने क्रममा जलेर वृद्धको मृत्यु
विदेश पठाउने भन्दै पीडितहरू बाट ४० लाख बढी ठगी, २ पक्राउ
चितवनमा बसको ठक्करबाट तीर्थयात्रीको मृत्यु
मटिहानीमा लागेको आगो ६ घण्टापछि नियन्त्रणमा
आज देशभरको मौसम कस्तो रहन्छ?
महोत्तरीको मठिहानीमा भीषण आगलागी, १५० भन्दा बढी घरगोठ जले
यो पनि पढौँ
स्याङ्जामा विवाहकै दिन बेहुलाबेहुली पक्राउ
आँखामा राख्दा पनि नबिझाउने ‘बिनोद सर’ अब सम्झनामा
जनकपुरको होटलमा बेहोस भेटिएकी पोखराकी युवतीको मृत्यु, सँगै बसेका २ युवक फरार
बालकुमारीमा मारिएकाका परिवारलाई कोरियाबाट आर्थिक सहयोग