वडाका विभिन्न स्थानमा छरिएर रहेका सिमान्तकृत बोटे जातिको लागी जनता आवास कार्यक्रम अन्तरगत सो क्षेत्रमा आवास निर्माण गरिएको हो । आवास संगै नमुना बस्तिमा विद्युतिकरण गरिएको छ ।
उक्त कार्यक्रमको उद्घाटन व्यास नगरपालिकाका प्रमुख वैकुण्ठ न्यौपानेले गरेका थिए । सो अवसरमा उक्त एकीकृत बस्ती निर्माणका क्रममा घडेरी बनाउन व्यास नगरपालिकाले सहयोग गरेको बताए । “अब सबै एकै ठाउँमा बसोबास गर्न एकीकृत हुनुभएको छ त्यसैले मिलेर बस्नुपर्छ”, नगर प्रमुख न्यौपानेले भने । उक्त क्षेत्रको सडक अब छिटै नै पिच हुने नगरप्रमुख न्यौपानेले बताए ।
सडकको लागी व्यास नगरपालिकाले ४० लाख र गण्डकी प्रदेश सरकारले ५० लाख बजेट विनियोजन गरेको नगरप्रमुख न्यौपानेले जानकारी दिए ।
उक्त कार्यक्रममा व्यास नगरपालिकाले वडा नम्बर ५ का वडा अध्यक्ष मोहन कुमार श्रेष्ठले स्थानीय बोटे समुदाय र व्यास नगरपालिकाका प्रमुख संग छलफल गरि सो आवास निर्माणको कार्य गरेको बताए ।
“बोटे समुदाय बादरको आक्रमण र विद्धुतको समस्याले वडामा पटकपटक आएर गुनासो गर्ने गरेको र अहिले सो समस्या समाधान भएको छ”, वडा अध्यक्ष श्रेष्ठले भने ।
व्यास नगरपालिकाले फोहोरमैला व्यवस्थापन गर्नको लागी बस्ती सारिएको भनेर गलत प्रचार गरिएको वडा अध्यक्ष श्रेष्ठले बताए । “तपाईहरु पहिले जहाँ बस्नुहुन्थ्यो त्यहाँ तपाईहरु लाई उठाएर फोहोरमैला व्यवस्थापन गर्न बस्ती विस्तार गरिएको होइन”, वडाअध्यक्ष श्रेष्ठले भने ।
बोटे समुदाय लाई व्यवस्थित गर्न ऐलानी जग्गामा व्यवस्थित आवास निर्माणका लागी सहयोग गरिएको उनले बताए । उक्त क्षेत्रमा खानेपानीको समस्या रहेको र उक्त समस्या समाधानका लागी व्यास नगरपालिकाका प्रमुख वैकुण्ठ न्यौपाने लाई वडा अध्यक्ष श्रेष्ठले अनुरोध समेत गरेका थिए ।
कस्तो छ त घर ?
गरिब, विपन्न, दलित, जनजाति, लोपोन्मुख र सिमान्तकृत जाती लाई सरकारको जनता आवास कार्यक्रम अन्तर्गत लुते बराहमा ६ वटा घर निर्माण गरिए हो । घर ब्लकमा सिमेन्ट र ट्रस्ट हालेर बनाइएको जनता आवास कार्यक्रमका प्राविधिक शंकरराज गैह्रेले जानकारी दिए ।
घर भुकम्प प्रतिरोधि रहेको उनले बताए । २ कोठे घर र शौचालय निर्माणका लागि सरकारले ३ लाख ३२ हजार ५०० रुपैयाँ अनुदान दिएको उनले बताए । बाकी घरधनी आफैले श्रमदान गरेर घर निर्माण गर्नुपर्ने हुन्छ । छरिएर रहेका बोटे समुदाय अहिले नमुना बस्ती निर्माण पछि एकीकृत भएका छ्न ।
एक मात्र एसएलसि पास, जस्ले गाउँले पढाउदै छिन
व्यास-५ मा रहेको लुते पहरा समुदायका एक मात्रै एसएलसि पास गरेकी महिला छिन । उनि हुन विष्णु घले गुरुङ । २०७० सालमा एसएलसि पास गरेको गुरुङले बताइन । बोटे गाउँका साना बालबालिका लाई उनै गुरुङले पढाउन सुरु गरेकी छिन ।
गाउँका बालबालिका लाई शिक्षाको ज्योति दिन गुरुङले पढाउन सुरु गरेकि हुन । बुधबार नै व्यास नगरपालिका वडा नम्बर ५ का वडाअध्यक्ष मोहन कुमार श्रेष्ठले गुरुङ लाई गाउँका बालबालिका लाई पढाउन सहयोग होस भनेर शैक्षिक सामाग्री प्रदान गरेका छ्न ।
कापी, कलम र पुस्तकहरु प्रदान गरेको वडा अध्यक्ष श्रेष्ठले बताए । सो शैक्षिक सामाग्री प्रमुख अतिथि व्यास नगरपालिकाका प्रमुख वैकुण्ठ न्यौपानेले गुरुङ लाई हस्तान्तरण गरेका थिए ।
रुपा बोटेको खुशी
जनता आवासबाट नयाँ घर निर्माण भएपछि स्थानीय रुपा बोटे लाई खुसी लागेको छ । आवास निर्माण समितिकि अध्यक्ष समेत हुन, रुपा बोटे । “पहिलेको घर भुकम्पमा भत्काई सक्याथ्यो”, “घर भत्किए पछी नयाँ घर बनाउन सक्याथेन अहिले नयाँ घर पाए पछी खुशी लागेको छ।” रुपाले खुशी हुँदै भनिन ।
पहिलेको घर बासले बारेको थियो अहिलेको नयाँ घर ब्लक र ट्रस्टले बनेको छ रुपा र उनका छिमेकीको घर । रुपाको घर नै हो त्यस स्थानमा पहिलो पटक ठडिएको ।
रुपाका २ सन्तान छ्न, १३ वर्षका छोरा ६ कक्षामा र ९ वर्षीया छोरी ३ कक्षामा पढ्दैछ्न । र श्रीमान २ वर्ष देखि विदेशमा छ्न । रुपाको पेशा कृषि हो । घर यसैबाट चलेको छ ।
आवास निर्माण समितिकि अध्यक्ष रुपा बोटेको अध्यक्षताका भएको उक्त कार्यक्रम व्यास २ का वडाअध्यक्ष काशीराम श्रेष्ठ, व्यास ३ का वडाअध्यक्ष प्रेम कुमार श्रेष्ठ, व्यास ४ का वडाअध्यक्ष विश्व न्यौपाने, व्यास १० का वडाअध्यक्ष तुलसीराम सापकोटा, आदिवासी जनजाति महासंघ तनहुँके अध्यक्ष बसुन्धरा घर्ती, विद्युत प्राधिकरण तनहुँ वितरण केन्द्र दमौलीका प्रमुख शिव गोशली, नेपाली काङ्ग्रेस व्यास ५ का सभापति यज्ञ खनाल, उक्त क्षेत्रका प्रतिनिधि कृष्ण बहादुर दरै, चापाघाट टोल विकासका अध्यक्ष मानधोज थापा लागाएतले शुभकामना मन्तव्य राखेका थिए ।
सम्बन्धित खबर
पोखराको सेती नदीमा २५ वर्षीय पुनको शव फेला, लुगा फुकालेर बेपत्ता ८४ वर्षीय बृद्ध अझै बेखबर
गृहमन्त्री रबिको राजीनामा माग्दै राप्रपा कास्कीले निकाल्यो राँके जुलुस
चरकको सहयोगमा आँधीखोला ओहियामा बृहत् स्वास्थ्य शिविर
गजलकार प्रकट पंगेनी शिवकाे निधन
मापसे गरी फेवातालमा डुंगा चलाउने चालक पक्राउ
गजलकार प्रकट पंगेनी भेन्टिलेटरमा, उपचारका लागि आर्थिक सहयोगको अपील
यो पनि पढौँ
स्याङ्जामा विवाहकै दिन बेहुलाबेहुली पक्राउ
आँखामा राख्दा पनि नबिझाउने ‘बिनोद सर’ अब सम्झनामा
जनकपुरको होटलमा बेहोस भेटिएकी पोखराकी युवतीको मृत्यु, सँगै बसेका २ युवक फरार
बालकुमारीमा मारिएकाका परिवारलाई कोरियाबाट आर्थिक सहयोग