नेगम परियार, मनाङ । मनाङ जिल्लाको एक मात्र आँखा अस्पतालले आफ्नै भवनबाट सेवा दिन थालेको छ । २०७१ सालबाट मनाङको सदरमुकाम चामेमा तीन कोठा भाडामा लिई सञ्चालनमा आएको सामुदायिक आँखा केन्द्रको आफ्नै भवन बनेपछि सोहि भवनबाट सेवा प्रदान गर्दै आएको छ ।
जिल्ला स्वास्थ्य कार्यालय चामे मनाङले निःशुल्क रुपमा ५ आना जग्गा उपलब्ध गरिदिएपछि तिलगंगा आखाँ प्रतिष्ठान काठमाडौको ४५ लाख रुपैँयाको लागतमा ५ कोठाको सुविधासम्पन्न तथा सुरक्षित भवन चामे गाउँपालिका ३ माडाको जिल्ला अस्पताल नजिकै निर्माण गरेको हो ।
नयाँ भवनसंगै उक्त आखाँ अस्पतालले आखाँ सम्बन्धी सम्पूर्ण सेवा सुबिधामा पनि थप गरेको छ । हाल सामुदायिक आखाँ केन्द्र चामे मनाङमा हरेक प्रकारका पावरवाला तथा आँखा सुरक्षित गर्नको लागि बिभिन्न चस्माहरु बनाउने र आकर्षक लेन्स तथा आकर्षक फ्रेमहरुमा चस्मा राखिने, चेकजाँच, औषधि उपचार लगायत अत्याधुनिक मेसिन उपकरणहरुबाट चेकजाँच, जिल्लामै आखाँ बिशेषज्ञहरु झिकाई मोतियाबिन्दु तथा आखाँमा मासु पलाएको जस्ता आँखाका समस्याहरुको जिल्लामा नै निःशुल्क सफल उपचार तथा अप्रेशन लगायतका सेवाहरु दिँदै आएको सामुदायिक आँखा केन्द्र चामे मनाङका नेत्र सहायक ऋतु श्रेष्ठले बताईन् ।
आफनै नयाँ भवनबाट उपचार तथा सेवा दिन पाउँदा सेवाग्राही बढ्नुका साथै सेवा दिनमा पनि सहज भएको उनको भनाई छ ।
सम्बन्धित खबर
वर्षाले पोखरा-मुग्लिन सडक विस्तार कार्य प्रभावित
लमजुङमा बालिकालाई जबर्जस्ती करणी गर्न खोज्ने पक्राउ
पर्यटक भित्राउन चैत अन्तिम साता घान्द्रुकमा महोत्सव
पोखरा स्वास्थ्य केन्द्र भवनबाट सरकारी कागजात चोर्नेहरू पक्राउ
नेपाल पर्यटन बोर्ड पोखरा स्पोर्टस् अवार्डको प्रवर्द्धक
डाइनामिक युथ लिडर दर्शन लोकप्रिय मतका साथ सचिवमा निर्वाचित
यो पनि पढौँ
स्याङ्जामा विवाहकै दिन बेहुलाबेहुली पक्राउ
आँखामा राख्दा पनि नबिझाउने ‘बिनोद सर’ अब सम्झनामा
जनकपुरको होटलमा बेहोस भेटिएकी पोखराकी युवतीको मृत्यु, सँगै बसेका २ युवक फरार
बालकुमारीमा मारिएकाका परिवारलाई कोरियाबाट आर्थिक सहयोग