नेगम परियार, मनाङ, २२ फागुन । महिना दिन बढी परेको हिमपातले मनाङमा यातायात सेवा अवरुद्ध छ । जिल्लाको माथिल्लो भेगहरुमा अझै पनि हिमपात भइरहेको छ । हिमपातका कारण सवारी चल्न सकेका छैनन् ।
अब भने एक्साभेटर नै लगाएर सडक नै ढाकिएका हिमपहिरो हटाउन सुरु गरिएको छ । मंगलबार चामे नजिकै गएको हिउँपहिरो हटाउन सुरु गरिएको मनाङका प्रमुख जिल्ला अधिकारी रुद्र नाथ देबकोटाले बताए । प्रमुख जिल्ला अधिकारी देवकोटा, चामे गाउँपालिकाका अध्यक्ष लोकेन्द्र बहादुर घले लगायत आफै उपस्थित भएर हिमपहिरो हटाउने कार्य सुरु गरेका हुन् ।
यसअघि पनि पटक पटक एक्साभेटर नै लगाएर सडकमा जमेका हिउँ फाल्दै सवारी चलाईंदै आएको थियो । फागुन १५ गतेको हिउँपहिरोले सडकमै रुखहरु ढलेपछि यातायातका साधन चल्न सकेका थिएनन् । अहिले मनाङको दानाक्यूसम्म मात्र सवारी चल्छन् ।
जिल्ला सदरमुकाम चामे सहित त्रिचुङगल्दा नजिक खोलामा हिउँ पहिरोले दानाक्यूभन्दा माथि गाडी चल्न नसकेको एक चालक सुदिप तामाङले जनाए ।
ठेकेदार नबिन शाहीका अनुसार हिमपात र हिउँपहिरोका कारण अवरुद्ध रहेको नेपाल टेलिकमको टेलिफोन तथा नेट सेवापनि सञ्चालनमा आएको छ । खानेपानीको समस्या भने यथावत् छ ।
सम्बन्धित खबर
स्याङ्जा भिरकोटका दुईजना अवैध लागूऔषधसहित पक्राउ
पोखराको लेकसाइडबाट अवैध लागु औषध र नगदसहित ४ जना पक्राउ
बागलुङमा रुखबाट खसेर एक जनाको मृत्यु
गण्डकी प्रज्ञा–प्रतिष्ठानले प्रकटका कृति प्रकाशन गरिदिने
पोखरामा सहकारी पीडित संगठित, ६ वटा सहकारीबाट पीडित भएकाहरुले बनाए संघर्ष समिति
पोखरा आउँदै गरेको कार तनहुँमा दुर्घटना, चार जना घाइते
यो पनि पढौँ
स्याङ्जामा विवाहकै दिन बेहुलाबेहुली पक्राउ
आँखामा राख्दा पनि नबिझाउने ‘बिनोद सर’ अब सम्झनामा
जनकपुरको होटलमा बेहोस भेटिएकी पोखराकी युवतीको मृत्यु, सँगै बसेका २ युवक फरार
बालकुमारीमा मारिएकाका परिवारलाई कोरियाबाट आर्थिक सहयोग