नेगम परियार, मनाङ । हिमाल पारीको जिल्ला मनाङ जिल्लामा अब घुम्न आउनको लागी बाह्य पर्यटक तथा आन्तरिक पर्यटकहरुले समेत पैसा तिर्नु पर्ने भएको छ । यहाँ भन्दा पहिला विदेशी पर्यटकहरुले मात्र पैसा तिर्दै आएकोमा अब नेपाली पर्यटकहरुले पनि पैसा तिर्नुपर्ने भएको छ ।
राष्ट्रिय प्रकृति संरक्षण कोष अन्नपूर्ण संरक्षण क्षेत्र आयोजना प्रधान कार्यलय पोखराको निर्देशन अनुसार मनाङ जिल्लामा पनि बाह्य तथा आन्तरिक पर्यटकलाई समेत (ईन्ट्री परमिट) प्रवेश शुल्क तिर्नु पर्ने भएको अन्नपूर्ण संरक्षण क्षेत्र आयोजना इलाका संरक्षण शाखा कार्यालय मनाङका कृषि सहयोगी ओम बहादुर गुरुङले बताए ।
यहि २०७५ असोज २९ गतेबाट यस्तो नियम लागू हुने गरि इन्ट्री परमिट उठाउन थालिएको गुरुङले बताए ।
कस्ले कति तिर्नु पर्छ त प्रवेश शुल्क ?
सार्क राष्ट्रका पर्यटकहरुको हकमा भ्याट सहित एक हजार रुपैँया लाग्ने छ । अन्य बाहिरि देशका पर्यटकहरुलाई भ्याट सहित तिन हजार रुपैँया लाग्ने छ । नेपाली ट्रेर्कस तथा घुम्न आउने नेपालीहरुलाई भ्याट सहित एक सय रुपैँया लाग्ने छ ।
प्रवेश शुल्क कहाँ कहाँ बुझउने त ?
मनाङ जिल्ला घुम्न आउने पर्यटकहरुले प्रवेश शुल्क नेपाल पर्यटकन बोर्ड काठमाडौ भृकुटीमण्डल काठमाडौ , नेपाल पर्यटकन बोर्ड डयामसाईड पोखरा र प्रवेश शुल्क काउन्टर त्रिबेन टोल लम्जुङ्ग बेशिसहर यी तिन ठाउँमा प्रवेश शुल्क बुझउन पर्ने गरि २०७५ असोज २९ गतेको सुचना प्रकाशन गरिएको हो ।
यदि माथी उल्लेखित स्थानहरुमा प्रबेश शुल्क नतिरिकन मनाङ प्रवेश गरेमा मनाङ जिल्लाको नासोँ गाउँपालिका धारापानीमा रहेको अन्नपूर्ण संरक्षण क्षेत्र आयोजनाको चेक जाच शाखा कार्यालयमा पर्यटक प्रवेश शुल्क तिर्नुपर्ने छ । मनाङ जिल्लामा आएर प्रवेश शुल्क तिर्नु परेमा सय प्रतिशत जरिबाना लाग्ने नियम रहेको छ ।
जस्तै सार्क राष्ट्रका पर्यटकहरुलाई एक हजार रुपैँया शुल्क लाग्नेमा दुई हजार रुपैँया लाग्ने छ । अन्य बिदेशी पर्यटकहरुको हकमा तिन हजार रुपैँया लाग्नेमा जरिवाना सहित छ हजार रुपैँया लाग्ने र नेपाली पर्यटकहरुलाई एक सय रुपैँया लाग्नेमा जरिवाना सहित दुई सय रुपैँया लाग्ने अन्नपूर्ण संरक्षण क्षेत्र आयोजना इलाका संरक्षण शाखा कार्यालय मनाङका कृषि सहयोगी ओम बहादुर गुरुङले बताए ।
सम्बन्धित खबर
गायिका एवं उद्यमी शान्तिले गरिन् बुटिकको शाखा विस्तार
स्याङ्जा भिरकोटका दुईजना अवैध लागूऔषधसहित पक्राउ
पोखराको लेकसाइडबाट अवैध लागु औषध र नगदसहित ४ जना पक्राउ
बागलुङमा रुखबाट खसेर एक जनाको मृत्यु
गण्डकी प्रज्ञा–प्रतिष्ठानले प्रकटका कृति प्रकाशन गरिदिने
पोखरामा सहकारी पीडित संगठित, ६ वटा सहकारीबाट पीडित भएकाहरुले बनाए संघर्ष समिति
यो पनि पढौँ
स्याङ्जामा विवाहकै दिन बेहुलाबेहुली पक्राउ
आँखामा राख्दा पनि नबिझाउने ‘बिनोद सर’ अब सम्झनामा
जनकपुरको होटलमा बेहोस भेटिएकी पोखराकी युवतीको मृत्यु, सँगै बसेका २ युवक फरार
बालकुमारीमा मारिएकाका परिवारलाई कोरियाबाट आर्थिक सहयोग