म्याग्दीको हल्लेगौंडामा जिप दुर्घटना हुँदा दर्जन घाइते, गम्भिर ३ लाई पोखरा ल्याइयो

म्याग्दीको हल्लेगौंडामा जिप दुर्घटना हुँदा दर्जन घाइते, गम्भिर ३ लाई पोखरा ल्याइयो

acedent-news

म्याग्दी । जिल्लाको बेनी नगरपालिका–३ हल्लेगौडामा बुधबार दिउँसो जिप दुर्घटना हुँदा दर्जन बढी घाइते भएका छन् । बेनी देखि भकिम्लीतर्फ जाँदै गरेको ग १ ज ७०५६ न। को जिप दुर्घटनामा परेको हो । गम्भिर घाइते भएका तीन जनालाई पोखरा ल्याइएको छ ।

म्याग्दी प्रहरीका अनुसार बेनी नगरपालिका–३ का ७१ वर्षीय डम्मरबहादुर छन्त्याल, ५५ वर्षका रत्नबहादुर खत्री र बेनी–७ मंगलाघाटका २५ वर्षीय विशाल शाक्यलाई पोखरा रिफर गरिएको हो । बेनपा ३ का २० वर्षीय इन्द्र बिक, ४० वर्षीया ज्ञानकुमारी श्रीस, बेनी–७ मंगलाघाटकी २२ वर्षीया शान्त शाक्य, उनकी छोरी साइदा शाक्य, बरंजाका बिक्रम सुनार, ७० वर्षीया ठेगाना नखुलेकी सुवारा सुनार, बागलुङ नगरपालिका–२ की २१ वर्षीय मञ्जु खत्री, बेनी–३ की ३८ वर्षीया भुमिदेवी खत्री र ४५ वर्षका आइतराम वि।कको बेनी अस्पतालमा उपचार भइरहेको छ ।

उकालो र साँघुरो सडकमा गाडी ब्याक भएर सडकदेखि २५ मिटर तल खेतमा खसेको प्रहरीको भनाई छ । चालक यामबहादुर श्रीसलाई अनुसन्धानका लागि नियन्त्रणमा लिइएको प्रहरीले जनाएको छ।

तस्विरः धुव्रसागर शर्मा,  म्याग्दी अनलाइनबाट

प्रतिक्रिया

लेखकको बारेमा

गण्डक न्यूज

गण्डक न्यूज

गण्डक न्यूज डेस्क

ट्रेन्डिङ


This will close in 2 seconds