पोखरा । लोकसेवा आयोगले प्रकाशित गरेको विज्ञापन समावेशी सिद्धान्त विपरित भएको भन्दै नेपाल आदिवासी जनजाति महासंघ आन्दोलित बनेको छ । उसले आगामी साउन २ गते नेपाल बन्दको आव्हान गरेको छ ।
जिल्ला समन्वय परिषद्, कास्कीले पनि केन्द्रीय कार्यक्रमप्रति ऐक्येबद्धता जनाउँदै स्थानीय स्तरमा समेत दबाब दिने जनाएको छ । परिषद्ले सोमबार पोखरामा पत्रकार सम्मेलन गरी नेपाल बन्दको बारे जानकारी दिएको हो । साथै असार ३१ गते मंगलबार बेलुकी ५ बजे पोखराको सिद्धार्थचोक देखि महेन्द्रपुल सम्म मसाल जुलुस निकाल्ने कार्यक्रम रहेको समेत परिषद्ले जनाएको छ ।
नेपालको संविधान (पहिलो संशोधन), २०७२ को धारा ४२ को उपधारा १ मा सामाजिक न्यायको हक मा स्पष्ट व्यवस्था भएर पनि सरकारले लोकसेवा आयोगको विज्ञापनमा देशमा रहेका हरेक तह र तप्कालाई अधिकारबाट बञ्चित गर्ने कुचेष्टा गरिएको आदिवासी जनजाति महासंघ जिल्ला समन्वय परिषद् कास्कीका अध्यक्ष धर्म बहादुर तमुले बताए ।
आन्दोलन कुनै द्वन्द्व,त्रासको लागि भन्दा पनि संविधानको रक्षाको लागि भएको उनले बताए । उनले भने , सरकारले संविधानमा भएको कुरालाई नै बेवास्ता गर्दै हटाउन खोजेको छ । त्यसैले कुनै द्वन्द्व,त्रासको लागि भन्दा पनि संविधानको रक्षाको लागि आन्दोलन गरेका हौँ । सरकारले अव्यवस्थित, असमानुपातिक र एकल केन्द्रीकृत राज्यसत्तामा रहेका एकल जातिवादी हिसाबले विज्ञापन गरिएको समेत उनले आरोप लगाए ।
सम्बन्धित खबर
पोखरा १० द्वारा वडा भित्रका सामुदायिक विद्यालयलाई स्टेशनरी वितरण
पोखरामा सहकारी पीडितको र्यालीः ‘जीबी राई कहाँ छ, रवि दाइलाई थाहा छ’
गण्डकीको मुख्यमन्त्री नियुक्ति विरूद्धको मुद्धामा बहस सकिएन, अर्को पेसी वैशाख १७ गते
बिरौटामा जुवातास खेलिरहेका ४ जना नगदसहित पक्राउ
गोरखा अस्पतालमा एक महिनादेखि मलद्वारमा अड्किएको बोतल शल्यक्रिया गरेर निकालियो
‘इतिहास शक्ति र सत्तामा रहेकाको मात्रै लेखिनुपर्छ भन्ने छैन’
यो पनि पढौँ
स्याङ्जामा विवाहकै दिन बेहुलाबेहुली पक्राउ
आँखामा राख्दा पनि नबिझाउने ‘बिनोद सर’ अब सम्झनामा
जनकपुरको होटलमा बेहोस भेटिएकी पोखराकी युवतीको मृत्यु, सँगै बसेका २ युवक फरार
बालकुमारीमा मारिएकाका परिवारलाई कोरियाबाट आर्थिक सहयोग