पर्वत प्रहरीको समुदाय साझेदारी अन्तरगत विद्यालय सम्पर्क कार्यक्रम फर्से धाइरिङमा सम्पन्न

पर्वत प्रहरीको समुदाय साझेदारी अन्तरगत विद्यालय सम्पर्क कार्यक्रम फर्से धाइरिङमा सम्पन्न

IMG_20190913_144447

पर्वत । जिल्ला प्रहरी कार्यालय पर्वतले समुदाय प्रहरी साझेदारी कार्यक्रम जलजला गाउपालिका वडा नं. ७ स्थित फर्से धाईरिङ माध्यमिक विद्यालयका विद्यार्थीहरुलाई सचेतना कार्यक्रम गरेको छ । प्रहरी चौकी मिलनचोकको सहकार्यमा त्यहाँका कक्षा ८, ९ र १० का विद्यार्थीहरुलाई सचेतनामूलक प्रशिक्षण कार्यक्रम गरेको हो ।

सो सचेतना कार्यक्रममा लागु औषध बिरुद्ध सचेतना तथा नियन्त्रण, बाल यौन दुव्र्यवहार, मानव बेचविखन, बालविवाह ट्राफिक सचेतना, आधारभुत सुरक्षा र डायल १०० जस्ता विषयबस्तुहरु माथि प्रहरी सहायक निरीक्षक अर्जुन पौडेलले प्रशिक्षण प्रदान गरेका थिए । उपस्थित विद्यार्थीहरुले विद्यालयमा प्रहरीबाट सिकेका कुराहरु घर परिवार समेतमा सिकाई समाजमा सकारात्मक प्रभाव पार्न सकिने बताएका थिए ।

विद्यालयका प्रधानाध्यापक मुकुन्द प्रसाद आचार्यको अध्यक्षतामा भएको कार्यक्रममा जिल्ला प्रहरी कार्यालय पर्वतका प्रहरी सहायक निरीक्षक अर्जुन पौडेल, प्रहरी चौकी मिलनचोकका ईन्चार्ज प्रहरी सहायक निरीक्षक कुमार के.सी., विद्यालयका शिक्षक तथा विद्यार्थीहरुको उपस्थिति रहेको थियो । कार्यक्रमको सहजीकरण जिल्ला प्रहरी कार्यालय पर्वतका प्रहरी जवान बसन्त सुनारले गरेको पर्वत प्रहरी सूचना अधिकृत प्रहरी निरीक्षक राजन रायमाझीले जानकारी दिए ।

प्रतिक्रिया

लेखकको बारेमा

गण्डक न्यूज

गण्डक न्यूज

गण्डक न्यूज डेस्क

ट्रेन्डिङ


This will close in 2 seconds