पोखरा । गण्डकी प्रदेशका मुख्यमन्त्री पृथ्वीसुब्बा गुरुङले चालू आर्थिक बर्ष २०७५/०७६ को बजेट कार्वान्वयन गर्न नसकेको बताएका छन् । पोखरा चेम्बर अफ कमर्स कास्कीको सहकार्यमा एभीन्युज टेलिभिजनले सोमवार पोखरामा आयोजना गरेको ‘एजेण्डा समृद्धि सपना प्रादेशिक विकास बहस’ कार्यक्रमलाई सम्बोधन गर्दै मुख्यष्मन्त्री गुरुङले कर्मचारी तथा भौतिक व्यवस्थापनका कारण चालू अबको बजेट कार्यान्वयन गर्न नसकेको बताएका हुन् ।
‘मन्त्री र सचिवहरूलाई लगातार निर्देशन दिँदा पनि बजेट कार्यान्वयन हुन सकेन,’ उनले भने, आगामी अर्थिक वर्षमा आवश्यक संरचनालाई नियमित र व्यवस्थित गर्दै पूर्वाधार निर्माणमा बजेट खर्च गरिनेछ ।’ मुख्यमन्त्री गुरुङले प्रदेश अन्तर्गत रहेका वन, खानी तथा खनिज लगायतका सम्पदाहरूको रोयल्टी प्रदेश सरकारले पाउनुपर्ने बताएका छन् ।
‘प्रदेश सरकारलाई आर्थिक रूपमा सम्पन्न गराउन राष्ट्रिय निकुञ्ज, सिमसार वाहेक प्रदेशका वन, खानी तथा खनिजहरूको रोयल्टी उठाउन दिनुपर्छ’ उनले भने, ‘अनि मात्रै गण्डकी प्रदेशमा आर्थिक सम्बृद्धी हुन्छ ।’ पोखरादेखि नवलपरासीको दुम्कीबास जोड्ने फास्ट ट्रयाक बनाउन सभ्याव्यता अध्ययन थालेको उनले बताए । ’प्रदेशको समृद्धिको लागि समानान्तार कालीगण्डकी कारिडोर बनाउने योजनामा छौ,’ उनले भने, ‘कालीगण्डकी किनारै किनार गएको कालीगण्डकी कोरिडोरको सट्टामा प्रदेशले शालिग्राम लोकमार्ग प्रस्ताव गरेको हो ।’
मुख्यमन्त्री गुरुङले मध्यपहाडी लोकमार्ग, मर्स्याङ्दी करिडोरको निर्माण कार्य सम्पन्न भएपछि प्रदेशको समृद्धिको लागि सहयोग पुग्ने धारणा राखे । पोखरालाई जोड्ने सडक सञ्जाललाई विस्तार र सुदृढ गर्दै प्रदेशलाई समृद्ध बनाउने तर्फ प्रदेश सरकार लागि परेको उनले बताए । ‘पोखरालाई जोड्ने सडकहरूको स्तरोन्नति गर्दै भौतिक पूर्वाधारको विकासतर्फ सरकार अगाडि बढ्छ,’ मुख्यमन्त्री गुरुङले भने ।
सम्बन्धित खबर
गण्डकी प्रज्ञा–प्रतिष्ठानले प्रकटका कृति प्रकाशन गरिदिने
पोखरामा सहकारी पीडित संगठित, ६ वटा सहकारीबाट पीडित भएकाहरुले बनाए संघर्ष समिति
पोखरा आउँदै गरेको कार तनहुँमा दुर्घटना, चार जना घाइते
पोखरामा चेकजाँच गर्दा प्रहरीमाथि मुक्का लात्ती हान्ने स्कुटर चालक कारबाहीमा
आगो निभाउँदा स्याङ्जाकी रेउसरीको ज्यान गयो
पोखरामा हराएको १७ लाख रुपैयाँ फेलापारी सम्बन्धित धनीलाई फिर्ता
यो पनि पढौँ
स्याङ्जामा विवाहकै दिन बेहुलाबेहुली पक्राउ
आँखामा राख्दा पनि नबिझाउने ‘बिनोद सर’ अब सम्झनामा
जनकपुरको होटलमा बेहोस भेटिएकी पोखराकी युवतीको मृत्यु, सँगै बसेका २ युवक फरार
बालकुमारीमा मारिएकाका परिवारलाई कोरियाबाट आर्थिक सहयोग