Gandak News
Our News Your Views
NIEC raw
openhouse
Url

गण्डकी प्रदेशका मुख्यमन्त्री गुरुङ दुई करोड १५ लाखको क्वार्टरमा सरे

पोखरा । गण्डकी प्रदेशका मुख्यमन्त्री पृथ्वीसुब्बा गुरुङ २ करोड १५ लाख ४० हजार सात सय ४१ रुपैयाँ लागतमा निर्माण गरिएको नयाँ क्वार्टरमा सरेका छन् ।

Loading...

जिल्ला प्रशासन कार्यालय कास्कीले सहिदचोकमा प्रमुख जिल्ला अधिकारीको आवास प्रयोजनका निम्ति बनाएको नयाँ क्वार्टरमा शुक्रबार बिहान मुख्यमन्त्री गुरुङ पूजाआजा गरेर प्रवेश गरेका हुन् ।

beacon

शुक्रबार बिहान गण्डकी प्रदेशका मन्त्रीहरु, प्रदेशसभा सदस्यहरु तथा मुख्यमन्त्रीका आफन्तहरु प्रजिअको आवास प्रयोजनका लागि भनेर निर्माण गरिएको तर प्रयोगमा नआएको क्वाटरमा पुगे । अनि मुख्यमन्त्री गुरुङले पण्डितले निकालेको उचित साइत अनुसार पूजाआजा गरे, क्वाटरको मुख्य ढोकामा नरिवल फुटाए अनि नयाँ क्वार्टरमा प्रवेश गरे ।

गण्डकी प्रदेशका मुख्यमन्त्रीको रुपमा निर्वाचित भएपछि पोखरा महानगरपालिकाले उपलब्ध गराएको गेस्टहाउस, राष्ट्र बैंक गेस्टहाउस, पार्दीस्थित महानगरको गेस्ट हाउसमा बस्दै आएका गुरुङ आजदेखि नयाँ क्वार्टरमा सरेका हुन् । प्रदेश सरकार गठन भएको लामो समय बितिसक्दा पनि प्रदेश सरकारको आफ्नै भवन नहुँदा मन्त्री तथा प्रदेश प्रमुखहरु अन्य कार्यालयको भवनमा बस्दै आएका छन् ।

Pokhara Internet
प्रतिक्रिया
लोड हुँदै ...

ट्रेन्डिङ

छुटाउनुभयो कि?