Gandak News
Our News Your Views
NIEC raw
openhouse
Url

पोखरा न्यूरोडको एस मिनिमार्केटमा आगलागी, ७ जनाको २३ सटर ध्वस्त, करोडौंको क्षति (फोटो फिचर)

गण्डक न्यूज, पोखरा । पोखरा महानगरपालिका वडा नं. ८ न्यूरोड स्थित एस मिनि मार्केटमा मंगलबार अपरान्ह भिषण आगलागी भएको छ । आगलागीबाट भाटभटेनी अगाडिको सो मिनिमार्केटका सबै २३ सटरमा रहेका सामानहरुमा कामै नलाग्ने गरी क्षति पुगेको कास्की प्रहरीले जानकारी दिएको छ ।

Loading...

व्यवसायी यदुनाथ अधिकारीको सो मिनिमार्केटमा सात जनाले व्यापार गर्दै आएका थिए । प्रहरी निरीक्षक गणेश सुवेदीका अनुसार शुभ युनिक फोम हाउसकै ७ वटा सटर छ । जहाँ कार्पेट, पर्दा, फोमहरु थिए ।

beacon

यस्तै, फर्निचर पसल, ध्रुब इलेक्ट्रिोनिक बक्स, शुभकामना क्याफे, खाजा पसल, जुस पसल गरी २३ वटा सटरहरु थिए । केहि फर्निचरका सामान र इलेक्ट्रिक सामान निकाल्न सकिएपनि अरु सबै ध्वस्त भएका छन् । झण्डै २ घण्टामा आगो पूर्ण नियन्त्रणमा लिन सकिएको हो । पौने ६ बजे आगो नियन्त्रणमा आएको हो ।

पोखरा भाटभटेनी नजिकै आगलागी भएको खबर पाउने बित्तिकै चिप्लेढुंगा बिटबाट प्रहरी तत्काल पुगेको ईन्स्पेक्टर सुवेदीले जानकारी दिए । सात मिनेटभित्रै एउटा दमकल पुगेको थियो ।

Loading...

आगो निभ्नुको सट्टा झनै फैलिन सुरु भएपछि थप २ वटा दमकल, खानेपानीका ट्यांकरहरु पुगेर आगो निभाएको हो । यसका लागि नेपाली सेना, सशस्त्र प्रहरीका अग्नीनियन्त्रक टोली र नेपाल प्रहरी खटिएका थिए । विद्युत सर्ट भएर आगो लागेको प्रहरीको प्रारम्भिक अनुमान छ ।

Pokhara Internet
प्रतिक्रिया
लोड हुँदै ...

ट्रेन्डिङ

छुटाउनुभयो कि?