Gandak News
Our News Your Views
NIEC raw
openhouse
Url

गण्डकी प्रदेश सरकारले एसइईको प्रश्नपत्रसँगै छात्रालाई सेनेटरी प्याड बितरण गर्ने

 गण्डकी प्रदेश सामाजिक विकास मन्त्रालयले म्याग्दीमा एसइई परीक्षामा सहभागी हुने छात्राहरुलाई प्रश्नपत्रसँगै सेनेटरी प्याड बितरण गर्ने भएको छ।

Loading...

मन्त्रालयले यहि चैत्र १० गतेदेखि सुरु हुन लागेको माध्यमिक शिक्षा परीक्षा, २०७५ (एसइई) मा समावेश हुने छात्रालाई प्याड वितरण गर्ने भएको हो ।

सामुदायिक विद्यालयमा अध्ययनरत् छात्रा महीनावारी भएकै कारण विद्यालयमा नजाने र विद्यालय छोड्ने गरेको तथ्याङ्कलाई मध्यनजर गर्दै सेनेटरी प्याड वितरण गर्न लागेको गण्डकी प्रदेश सामाजिक विकास मन्त्रालयले जनाएको छ ।

beacon

मन्त्रालयकी प्रमुख महिला विकास अधिकृत तुलसा अर्यालले निमित्त एकाइ प्रमुख केशबहादुर बुढाथोकीलाई रु १५ हजार बराबरको प्याड खरीद गर्न चेक हस्तान्तरण गरेका छन् ।

मन्त्रालयका अधिकृत अर्यालले छात्रामा हुने महीनावारीलाई सहजरूपले व्यवस्थापन गरी परीक्षामा सहभागी गराउन प्रदेशभित्रका सबै जिल्लामा सहयोग गरिएको बताए ।

‘छात्रा महीनावारी भएको समयमा विद्यालयमा सहभागी नहुने गरेको पाउने गरेका छौँ, महीनावारीको समयमा कुनै पनि छात्राको एसइई परीक्षा प्रभावित नहोस् भन्नका लागि सेनेटरी प्याड वितरण गर्ने व्यवस्था मिलाएका हौँ ।’ अर्यालले भने ।

Pokhara Internet
प्रतिक्रिया
लोड हुँदै ...

ट्रेन्डिङ

छुटाउनुभयो कि?