न्युज २४ टेलिभिजनको कार्यक्रम ‘सिधा कुरा जनतासँग’मा गण्डकी प्रदेशका स्वास्थ्य निर्देशनालयका प्रमुख तारानाथ पौडेल १ घुससहित रंगेहात पक्राउ परेको विषयमा रिपोर्ट प्रस्तुत गरिएको छ । यसै विषयमा लोकसेवा आयोगका अध्यक्ष उमेशप्रसाद मैनालीसँग प्रत्यक्ष कुराकानी पनि गरिएको छ ।

लोकसेवा आयोगमा परीक्षा दिएर बसेका विद्यार्थीहरुलाई खोजि खोजि पैसा दिनेलाई पास गराउने गरेको खुलेको छ । स्याङ्जाका ज्ञानप्रसाद न्यौपानेले लोकसेवा आयोगले लिएको अहेवा चौथो तहको लिखित र मौखिक परीक्षा दिए ।

परीक्षा दिएर घरमै बसेका उनलाई पढाएका शिक्षक तथा जनस्वास्थ्य अधिकृत कमल पाण्डेले लोकसेवा पास हुने भए गण्डकी प्रदेशका स्वास्थ्य निर्देशक डाक्टर तारानाथ पौडेललाई सम्पर्क गर्न भनेका थिए । त्यसपछि ज्ञानप्रसादले स्वास्थ्य सेवा अन्तर्गत ११ आंै तहमा कार्यरत डाक्टर पौडेललाई भेटे ।

ज्ञानप्रसादसँगको भेटमा डाक्टर पौडेलले एक लाख दिए लोकसेवामा पास गराइदिने भन्दै १ लाख रुपैया माग गरे ।