स्याङ्जाको हरिनास गाउँपालिका वडा नं. ३, ललही मिनडाँडामा बाबु र नाबालक छोराको हत्या भएको छ । मंगलवार विहान सँगै सुतिरहेका बाबुछोराको हत्या भएको प्रहरीले जनाएको छ ।
उनीहरुको अपरिचित व्यक्तिको प्रहारबाट घटनास्थलमै मृत्यु भएको हो । राति सुतिरहेको अवस्थामा धारिलो हतियार प्रहारबाट ३० बर्षीय बाबु चित्र बहादुर खड्का र ४ बर्षका छोरा रिजन खड्काको मृत्यु भएको जिल्ला प्रहरी कार्यालय स्याङ्जाका प्रमुख प्रहरी उपरिक्षक राजकुमार लम्सालले जानकारी दिए । बाबुको टाउको र छोराको घाँटीमा प्रहार गरिएको छ । बाबु र छोराको कम्मरभन्दा माथिको भागमा झण्डै आठ-दश ठाउँमा धारिलो हतियारको चोट लागेको छ ।
एउटै कोठाको अर्को खाटमा सुतेकी श्रीमती उठेर चिच्याएपछि मास्क लगाएका व्यक्तिहरु भागेको श्रीमतीको भनाई उदृत गर्दै प्रहरीले जनाएको छ । शव पोष्टमार्टमका लागि पोखरा स्वास्थ्य प्रतिष्ठान अन्तर्गत पश्चिमाञ्चल क्षेत्रीय अस्पताल लगिएको छ ।
घटनास्थल इलाका प्रहरी चौकीबाट झण्डै दुई किलोमिटरको दूरीमा रहेको छ । उक्त स्थानमा दुई घर मात्रै रहेको बताइएको छ । घटना कसले र किन घटायो भन्ने खुल्न सकेको छैन । घटनापश्चात स्थानियबासी त्रसित बनेका छन् । घटनाबारे अनुसन्धान भइरहेको प्रहरीले जनाएको छ ।
सम्बन्धित खबर
भूकम्पको स्मरणः बारपाकमा आज सार्वजनिक बिदा
पर्यटकीय राजधानीलाई सफल बनाउन तीन तहकै सरकारको भूमिका महत्वपूर्ण : मुख्यमन्त्री अधिकारी
पोखराको चाउथेमा दुर्घटना: १९ वर्षीया खुसीको मृत्यु, स्कुटर चालक विनिता घाइते
सीप सिकौं, दक्ष बनौं भन्दै पोखरा १३ द्वारा निशुल्क तालिम, ४५ जना लाभन्वित
पोखरास्थित दराज अनलाइनको कार्यालयबाट नगद तथा सामान चोरी गर्ने ३ जना पक्राउ
पोखरा १० द्वारा वडा भित्रका सामुदायिक विद्यालयलाई स्टेशनरी वितरण
यो पनि पढौँ
स्याङ्जामा विवाहकै दिन बेहुलाबेहुली पक्राउ
आँखामा राख्दा पनि नबिझाउने ‘बिनोद सर’ अब सम्झनामा
जनकपुरको होटलमा बेहोस भेटिएकी पोखराकी युवतीको मृत्यु, सँगै बसेका २ युवक फरार
बालकुमारीमा मारिएकाका परिवारलाई कोरियाबाट आर्थिक सहयोग