मुस्ताङ । सदियौं देखि मनाईंदै आएको परम्परागत यार्तुङ महोत्सव यसवर्ष देखि बृहत रुपमा सन्चालन गरिने भएको छ । वारागुङ मुक्तिक्षेत्र गाउँपालिका कार्यालयमा बुधबार बसेको सरोकारवालाहरुको बैठकले यस्तो निर्णय गरेको हो ।
विगत वर्षहरुमा मुक्तिनाथ रानीपौवा पुराङको जनप्रिय युवा क्लवले संञ्चालन गर्दै आएको यार्तुङ महोत्सव यसपटकदेखि गाउँपालिकाको अगुवाईमा हुन लागेको हो । बैठकमा गाउँपालिकाका जनप्रतिनिधि, कर्मचारी, जनप्रिय युवा क्लव, गाउँपालिका भित्रका १९ वटै गाउँका मुखिया, पुराङ रानीपौवाबासी र सरोकारवालाहरुको उपस्थिती थियो । उनीहरुले यार्तुङ महोत्सवलाई भव्य र सभ्य रुपमा संम्पन्न गर्न अध्यक्ष फेञ्चोक छेप्तेन गुरुङको अध्यक्षतामा ७१ सदस्यीय मुल आयोजक समिति समेत गठन गरेका छन् ।
ऐतिहासिक, धार्मिक र सांस्कृतिक महत्वको यातुङ महोत्सवलाई यसपटक बृहत रुपमा सञ्चालन गर्ने योजना रहेको अध्यक्ष फेञ्चोक छेप्तेन गुरुङले जानकारी दिए । उनका अनुसार गाउँपालिका भित्रको सांस्कृतिक विविधता प्रर्दशन, गाउँ गाउँ बिचका युवाहरुको सम्वन्ध प्रगाढ बनाउन यार्तुङ महोत्सव लाभदायी हुने विश्वास लिईएको छ । मेलामा स्थानीय उत्पादनको प्रर्वद्धन, धर्मसंस्कृतिको र परम्परा संरक्षणमा यार्तुङ मेलाले महत्वपूर्ण भूमिका खेल्ने अध्यक्ष गुरुङको भनाई छ ।
यसपटक ब्यापक जनसहभागितामा यार्तुङ महोत्सव हुने जनाईएको छ । यसका लागि जनप्रिय यूवाक्लव ,पुराङबासी तथा १९ वटै गाउँका यूवा प्रतिनिधि सम्भिलित उपसमिति समेत गठन हुने गाउपालिकाले जनाएको छ । यस पटक गाउपालिका भित्रका सबै गाउहरुले यार्तुङ महोत्सवमा सास्कृतिक झाँकी, घोडा दौड र परम्परागत मौलिक सम्भाव्यता पस्कने बताईएको छ ।
मुस्ताङको मुक्तिक्षेत्रमा हुने यार्तुङ महोत्सव बर्षेनी जनैपूर्णिमा अवसरमा संञ्चालन हुने गर्छ । यारको अर्थ हो बर्खा र तुङ अर्थ पर्व हो । यो समयमा खेतीपातीको सबै कामकाज सकेर आपसमा खुसी साट्न यार्तुङ मनाईने गरेको हो । महोत्सवको मुख्य आर्कषणको रुपमा घोडा दौडलाई लिने गरिन्छ ।
प्रतियोगितात्मक घोडा दौड र अतिरिक्त सो प्रर्दशन घोडा दौड हुने गर्छ । यसका अलवा फुटबल, तारो हान्ने खेल र विविध साँस्कृतिक कार्यक्रम हुने गर्छ । महोत्सवमा चर्चित ख्यातीप्राप्त कलाकार निम्त्याएर कन्सर्ट र साँस्कृतिक कार्यक्रम गरिने गरिएको छ । यार्तुङहरु मुस्ताङ लगायत डोल्पा, मनाङ लगायत देश विदेशमा रहेका मुस्ताङी पूख्यौली थलो फर्कन्छन् ।
सम्बन्धित खबर
मुस्ताङमा लेक लागेर ३ वर्षमा २९ जनाको मृत्यु
कोरला नाका १५ दिन बन्द हुने
पोखराकी महिलालाई पक्राउ गरी मुस्ताङ लगियो
१७ वर्षका स्वामी भारतबाट पैदलै जोमसोम !
भारतीय गाडी भन्सार नतिरी मुस्ताङ
मुस्ताङका ५ वटै पालिकाबासीले सीमापार पास पाउने सहमति
यो पनि पढौँ
स्याङ्जामा विवाहकै दिन बेहुलाबेहुली पक्राउ
आँखामा राख्दा पनि नबिझाउने ‘बिनोद सर’ अब सम्झनामा
जनकपुरको होटलमा बेहोस भेटिएकी पोखराकी युवतीको मृत्यु, सँगै बसेका २ युवक फरार
बालकुमारीमा मारिएकाका परिवारलाई कोरियाबाट आर्थिक सहयोग