किरण श्रेष्ठ, तनहुँ । तनहुँको व्यास नगरपालिका वडा नं. १२ कमलबारीबाट मंगलबार प्रहरीले लागु औषध गाजा सहित एक महिला लाइ पक्राउ गरेको छ ।

कमलबारी जलबिरेमा रहेको तनहुँ जलबिरे कटेज संचलान गर्ने सोहि स्थान बस्ने बर्ष ३७ की तारा थापा मगरले गाँजाको बेचबिखन गरेकाले प्रहरीले पक्राउ गरेको हो । उक्त कटेजबाट लागु औषध गाँजाको बेचबिखन तथा कारोबार हुने गरेको सुचनाको आधारमा उक्त स्थानमा निग्रानी बढाउदा प्रहरीले गाजाको कारोबार हुने गरेको पुष्टि भएपछी कटेज संचालक मगर लाइ पक्राउ गरेको हो ।

मगरले संचालन गरेको कटेजको खानतलासी लिदा कोठा भित्र प्लाष्टिक भित्र पत्रिकाले प्याकिङ गरेर पोका-पोका पारेर राखेको अबस्थामा प्रहरीले उक्त गाजा बरामद गरेको जिल्ला प्रहरी कार्यालय तनहुँले जनाएको छ । बिक्रिको लागि राखेको ७० पोका गाँजा फेला पारी उक्त लागु औषध कानुन बमोजिम बारमद गरी मगरलाई पक्राउ गरिएको प्रहरीले जनाएको छ । कटेज संचालक मगरले एउटा पोकाको १०० रुपैयामा बेचबिखनको कारोबार गर्दै आएको प्रारम्भिक अनुसन्धानको क्रममा खुल्न आएको छ । उक्त घटना सम्बन्धमा थप अनुसन्धान भइरहेको जिल्ला प्रहरी कार्यालय तनहुँले जनाएको छ ।