चितवन । चितवनको नारायणीमा दुई महिनात्रिै मिनी पानीजहाज चल्ने भएको छ । अहिले निर्माण भइरहेको ‘रिभर क्रुजसिप’ दशैं अगाडि नै सञ्चालनमा ल्याउने गरी बनिरहेको निर्माण पक्ष राइनो वाटर ईन्टरटेन्मेन्ट प्रा।लिले जनाएको छ ।

‘मिनी पानीजहाज’मा १५ जना क्यू मेम्बर हुनेछन् भने एकै पटक दुईसय जनाले यात्रा गर्न सक्ने छन् । पानी जहाजको दुबै तलामा सय, सय जना अटाउनेछन् । मिनी पानीजहाज एक सय फिट लम्वाई र २५ फिट चौडाईको हुनेछ ।

काप्रेघाटमा निर्माण गरिरहेको क्रुजसिपलाई पानीमा राखेर गरिएको परीक्षण सफल भएको राइनो वाटरले शनिबार भरतपुरमा पत्रकार सम्मेलन गरी जानकारी दिएको छ । नर्वेजियन प्रविधि प्रयोग गरेर भारतीय प्राविधिकको सहयोगमा नारायणी किनारामै निर्माण भइरहेको छ ।

राइनो वाटर इन्टरटेन्मन्ट प्राइभेट लिमिटेडले चितवनको काभ्रेघाटमा छ महिनादेखि पानीजहाज बनाउने काम गरिरहेको छ। उक्त कम्पनीका प्रबन्धक निर्देशक रामचन्द्र कँडेल अध्ययनको सिलसिलामा पहिलोपटक जर्मनी गएका बेला आफूलाई पनि पानीजहाज बनाउने विचार आएको बताउँछन्।

भारतीय र नेपाली गरी ५० जनाले धमाधम काम गरिरहेका छन् । भारतीय ग्राउण्डीमल मरिन इन्टरनेशल कम्पनीले यसको प्राविधिक पक्षको काम गरेको जनाइएको छ । राइनो वाटरका अनुसार पहिलो चरणमा काप्रेघाटबाट देवघाटसम्म सञ्चालन गरिनेछ भने त्यसपछि मुग्लिन र तल त्रिवेणीधामसम्म लैजान थप अध्ययन गरिनेछ ।

बनिसकेपछि यस्तो हुनेछ २ तले पानी जहाज