पोखरा । गत निर्वाचनमा कास्की जिल्लाका तीन निर्वाचन क्षेत्र नै नेकपा एमालेले जितेको थियो । तर, यसपटक तीनै क्षेत्रमा घण्टी उम्मेदवार अगाडि देखिएका छन् ।
कास्की क्षेत्र नम्बर १ मा ५ हजार १५० मत गणना हुँदा राष्ट्रिय स्वतन्त्र पार्टी (रास्वपा) का उम्मेदवार खड्गराज पौडेल‘गनेस’ले २ हजार ३०६ मत ल्याएका छन्।
१८८ मत बदर हुँदाको अवस्थामा एमालेका उम्मेदवार बैनबहादुर अधिकारी क्षेत्री १ हजार ४५५ मतसहित दोस्रो र नेपाली कांग्रेसका उम्मेदवार तिलक रानाभाट ९६७ सहित तेस्रो स्थानमा छन्।
नेपाली कम्युनिस्ट पार्टीका राजकाजी गुरुङ ‘करन’ले १०८ मत प्राप्त गरेका छन्। सो क्षेत्रमा कुल १ लाख १६ हजार ८ सय ७८ मतदाता रहेकोमा ३८ हजार १६६ महिलासहित ७० हजार २३६ जनाले मतदानमा भाग लिएका थिए।
कास्की क्षेत्र नम्बर १ को गणना रुपा गाउँपालिकाबाट सुरु गरिएको हो। रुपा एमालेको आधार क्षेत्रको रुपमा चिनिन्थ्यो।
सो पालिकामा हाल अध्यक्ष र उपाध्यक्ष दुबै एमालेकै छन्। कास्की क्षेत्र नम्बर २ मा पनि रास्वपाकै उम्मेदवार उत्तम पौडेल अगाडि छन्।
हालसम्म गणना भएको ६ हजार १३८ मध्ये उत्तमले ३ हजार ७०,एमालेका रश्मि आचार्यले १ हजार ४१४ र कांग्रेसका माधव बास्तोला‘मधु’ले ९३२ मत प्राप्त गरेका छन्। २५१ मत बदर हुँदा नेपाली कम्युनिष्ट पार्टीका हेमबहादुर थापा‘किरण’ले २७६ अनि राष्ट्रिय प्रजातन्त्र पार्टीका हेमजंग गुरुङले ११७ मत ल्याएका छन्।
कास्की २ मा २८ हजार ७५५ महिलासहित ५२ हजार ९१९ मत खसेको छ। यहाँ ८४ हजार १३४ जना मतदाता थिए।
कास्की २ को मतगणनाको सुरुवात पनि वडा नम्बर ३३ बाट भएको हो। यसअघि पोखराको दक्षिणी भागमा पर्ने सो क्षेत्रलाई ‘कोर कोरिया’कै नामबाट चिनिन्थ्यो।
कास्की क्षेत्र नम्बर ३ मा पनि रास्वपा उम्मेदवार विना गुरुङले मतान्तर बढाउँदै लगेकी छन्।
निर्वाचन अधिकृतको कार्यालयका अनुसार ३ हजार ७३६ मत सदर हुँदा एक्लो विनाको पोल्टामा २ हजार ७४ मत परेको छ।
नेपाली कांग्रेसका मनोज गुरुङले ८९३ र एमालेका दामोदर वैरागीले ५०६ मत मात्र पाएका छन्।
नेपाली कम्युनिस्ट पार्टीका गोपाल गिरीले ११८ मत ल्याउँदा राष्ट्रिय प्रजातन्त्र पार्टीका अर्जुन खनालले ८६ मत प्राप्त गरेका छन्।
कास्की क्षेत्र नम्बर ३ मा हालसम्म गणना भएको ३ हजार ८८६ मध्ये १५० मत बदर भएका छन्।
कास्की क्षेत्र नम्बर ३ मा १ लाख ७ हजार ५६० मतदाता रहेकोमा ६५ हजार ४०७ मत खसेको थियो।
This will close in 4 seconds
सम्बन्धित खबर
रास्वपाकै सांसद प्रसाईंको प्रश्न: केले रोक्यो दुई तिहाइको सरकारलाई ?
निर्मला पन्त घटनाबारे सांसदले सोधेको प्रश्नमा गृहमन्त्रीले भने- हजुरहरू सत्तामा हुँदाखेरि किन नगर्नुभएको यो ?
सरकार असफल भएको कांग्रेसको दाबी, भन्यो – ‘जनविश्वासको संकटमा घेरिएको सरकार विषयान्तर गर्न माहिर छ’
‘सरकारविरुद्ध आन्दोलनमा जानुपर्ने हुनसक्छ, तयार रहनू’: शंकर पोखरेल
कांग्रेस पूर्वसभापति देउवा दम्पति साउन २३ गते फर्किने
पाकिस्तानमा हिमपहिरोमा हराइरहेका निम्सदाइ सहित अन्य पाँच नेपाली जीवित भेटिने आशा कमजोर, युक्तको शव निकालियो
यो पनि पढौँ
मर्दी हिमाल पदयात्रामा गएका पोखराका तीन युवक बादलडाँडा क्षेत्रबाट सम्पर्कविहीन
दुई किशोरीलाई गेस्ट हाउसमा लगेर सामूहिक बलात्कार गरेको आरोपमा दुई जना पक्राउ
बसले ठक्कर दिँदा सुनकोशीमा खसेकाे कारभित्र ४ यात्रु रहेको खुल्यो
गण्डकीका प्रदेश प्रमुख भट्टले गरे गाँजा विधेयक प्रमाणीकरण