काठमाडौं । प्रधानमन्त्री केपी शर्मा ओलीले शुक्रबार देशबासीलाई सम्बोधन गर्दै चैत १० गतेदेखि केही अवधिका लागि नेपालभर चल्ने सबै प्रकारका लामो दूरीका यात्रुवाहक सवारी साधनहरू सञ्चालनमा रोक लगाएको बताएका छन् । यो घोषणासँगै कुन कुन सवारी साधन कहाँकहाँ सञ्चालन गर्न पाइने हो भन्ने प्रश्न उठेको छ ।
जस्तो निजी सवारी साधन लिएर जान पाइन्छ कि पाइँदैन ? लामो रुट कुा कुन हुन् ? आदि । यातायात व्यवस्था विभागमा महानिर्देशक गोगनबहादुर हमाल भन्छन्, लामो दूरीका रुटमा निजी सवारी साधान मात्र होइन, मोटरसाइकलमा पनि यात्रा गर्न पाइन्न ।’
लामो दूरीमा मालबहाक सवारी भने चलाउन पाइने छ । महानिर्देशक हमालका अनुसार स्थानीय रुटमा भने सवारी चलाउन कुनै रोक लाग्ने छैन । राष्ट्रिय राजमार्गहरु प्रयोग गरी साना, ठूला, दुई पांग्रे, चार पांग्रे वा त्यो भन्दा ठूला क्षमताका सबै खालमा यात्रुबहाक सवारी चलाउन पाइने छैन ।
यातायात व्यवस्था विभागका अनुसार २ सय ५० किलोमिटरभन्दा टाढाको दूरीलाई ‘लामो दूरी’ मानिन्छ। विभागकामहानिर्देशक गोगनबहादुर हमाल भने, ‘काठमाडौं उपत्यकामा सार्वजनिक यातायात बन्द हुन्न,२ सय ५० किलोमिटर भन्दा टाढालाई लामो दूरीलाई मानेका छौं।’
यस्तै नेपाल भित्रिने सबै अन्तर्राष्ट्रिय हवाई उडानहरु चैत ९ देखि १८ गतेसम्मको लागि स्थगित गरिएकोप्रधानमन्त्री ओलीले जानकारी दिए। उनका अनुसार सीमानाकाबाट आवागमन गर्ने यात्रुको स्वास्थ्य सुरक्षालाई प्राथमिकतामा राखी संक्रमणबाट जोगाउन अनिवार्य स्वास्थ्य जाँचको व्यवस्थासहित आवागमनको व्यवस्था मिलाइने छ। सीमामा जाँचका सम्बन्धमा छिमेकी मित्रराष्ट्रहरुसँग आवश्यक समन्वय गरिने प्रधानमन्त्रीले स्पष्ट पारे।
सम्बन्धित खबर
यी स्थानमा बदली, वर्षा र हिमपातको सम्भावना
होलीको दिन कर्णाली नदीमा हामफालेर बेपत्ता भएका युवाको शव फेला
बागमतीमा जम्कट्टेलको सरकार जोगियो, गठबन्धनमा हाम्रो नेपाली पार्टीको ‘इन्ट्री’
राष्ट्रिय सभाका उपाध्यक्ष अर्यालको राजीनामा
झापामा हात्तीको आक्रमणबाट महिलाको मृत्यु, श्रीमान् घाइते
दैलेखबाट एसईईका एकजना नक्कली परीक्षार्थी पक्राउ
यो पनि पढौँ
स्याङ्जामा विवाहकै दिन बेहुलाबेहुली पक्राउ
आँखामा राख्दा पनि नबिझाउने ‘बिनोद सर’ अब सम्झनामा
जनकपुरको होटलमा बेहोस भेटिएकी पोखराकी युवतीको मृत्यु, सँगै बसेका २ युवक फरार
बालकुमारीमा मारिएकाका परिवारलाई कोरियाबाट आर्थिक सहयोग