तनहुँ । तनहुँमा धान उत्पादनमा वृद्धि भएको छ । समयमा वर्षा भएको, मौसम अनुकुल भएको र रोग किराको प्रकोप कम भएकाले यस वर्ष धान उत्पादनमा वृद्धि भएको हो ।
यस वर्ष तनहुँमा १२ हजार ६ सय हेक्टर क्षेत्रफलमा प्रतिहेक्टर ३.९ मेट्रिक टनका दरले ५० हजार १४८ मेट्रिक टन धान उत्पादन भएको कृषि ज्ञान केन्द्र तनहुँका प्रमुख कुल प्रसाद तिवारीले जानकारी दिए । उनले भने ’यसवर्ष मौसम अनुकूल संगै रोगकिराको प्रकोप कम भएको र समयमै पर्याप्त वर्षा भएकाले धान उत्पादन बढेको हो ।’
कोरोनाले गर्दा गाउँघर मै फर्किएर बाझो जमिन र टारी खेतमा खेती गर्ने बढेकाले धेरै क्षेत्रफलमा धान रोपिएको प्रमुख तिवारीले जानकारी दिए ।
गतवर्ष १२ हजार ४ हेक्टर क्षेत्रफलमा प्रतिहेक्टर ३.९ मेट्रिक टनका दरले ४७ हजार ३६० मेट्रिक टन धान उत्पादन भएको थियो ।
तनहुँमा सावित्री, रामधान, स्थानीय वास्मती लगायतको धान लगाउने गरिएको छ । गतवर्ष भन्दा धान उत्पादनमा वृद्धि भएपनि सोचअनुसार नबढेको प्रमुख तिवारी बताउँछन् ।
यसवर्ष बाढीले १५० हेक्टर क्षेत्रफलमा क्षती पु¥याएको उहाँले बताए । त्यस्तै रासायनिक मलको कमिले पनि उत्पादनमा असर पु¥याएको उनले जानकारी दिए ।
सम्बन्धित खबर
पोखराबाट पर्वतको सेतीवेणी हुँदै गुल्मीको रिडीसम्म ५६ किमि सडक ट्रयाक खुल्यो
पोखरा जोड्ने राजमार्गको बिजोग: हिलो र धुलोले सास्ती
पोखरामा पर्यटकलाई राम्रो होटल मिलाइदिने भन्दै बार्गेनिङ गर्नेहरू पक्राउ
ट्राफिक नियम पालना गर्न झन्झट नमानौं: मुख्यमन्त्री अधिकारी
स्याङ्जामा ट्राफिक सप्ताह सुरु
बागलुङमा चट्याङ लागेर एक जनाको मृत्यु
यो पनि पढौँ
स्याङ्जामा विवाहकै दिन बेहुलाबेहुली पक्राउ
जनकपुरको होटलमा बेहोस भेटिएकी पोखराकी युवतीको मृत्यु, सँगै बसेका २ युवक फरार
आँखामा राख्दा पनि नबिझाउने ‘बिनोद सर’ अब सम्झनामा
बालकुमारीमा मारिएकाका परिवारलाई कोरियाबाट आर्थिक सहयोग