पोखरामा दुई छुट्टाछुट्टै दुर्घटना हुँदा ३ जना घाइते भएका छन्। स्कुटरले पैदल यात्रीलाई  र बसले स्कुटरलाई ठक्कर दिँदा ३ जना घाइते भएको हो ।

पैदल यात्री सहित स्कुटर चालक घाइते

स्कुटरले पैदल यात्रीलाई ठक्कर दिँदा चालक सहित दुई जना घाइते भएका छन् । पोखरा महानगरपालिका -१४ छिनेडाँडा स्थित ग १५ प ४८२ नम्बरको स्कुटरले ठक्कर दिँदा दुर्घटना भएको हो ।

पोखरा महानगरपालिका- १५ निराजन चोक बस्ने ७० बर्षीय पैदल यात्री गंगा प्रसाद क्षेष्ठ र चालक रोशन के .सी घाइते भएका छन् । १८ वर्षीय के .सी पोखरा महानगरपालिका -१४ छिनेडाँडामा बस्र्दै आईरहेका थिए ।

दुर्घटनामा दुबैको स्वस्थ्य अवस्था सामान्य रहेको र घटना बारेमा थप अनुसन्धान भईरहेको प्रहरीले जनाएको छ ।

स्कुटर चालक घाइते

बसले स्कुटरलाई ठक्कर दिँदा स्कुटर चालक घाइते भएका छन् । पोखरा महानगरपालिका -१६ महेन्द्र गुफ स्थित दुर्घटना भएको हो ।

ग १ ग १५२ नम्बरको बसले लु ६९ प ८२८७ नम्बरको स्कुटरलाई ठक्कर दिएको हो । दुर्घटना पोखरा महानगरपालिका -२ बाग्लुङ बसपार्क बस्ने १९ वर्षीय गोकर्ण के.सी सामान्य घाईते भएका छन् । केसीलाई उपचारको लागि फिस्टेल अस्पताल लगिएको छ । 

घटना बारे थप अनुसन्धान भईरहेको गण्डकी प्रदेश प्रहरी कार्यालय पोखराले जनाएको छ ।