नेकपा एमाले संसदीय दलका नेता केपी शर्मा ओली प्रधानमन्त्री नियुक्त भएका छन् । राष्ट्रपति विद्यादेवी भण्डारीले संविधानको धारा ७६(३) अनुसार संसदको सबभन्दा ठुलो दलको संसदीय दलको नेता ओलीलाई प्रधानमन्त्रीमा नियुक्त गरेकी हुन् । तेस्रो कार्यकालका लागि नियुक्त ओली देशको ४२ औं प्रधानमन्त्रकिा रुपमा नाम लेखाउन पुगेका छन् ।
ओली वैशाख २७ गते प्रतिनिधि सभामा विश्वासको मत नपाएपछि पदमुक्त भएका थिए। राष्ट्रपति भण्डारीले वैशाख २७ गते राति नै संविधानको धारा ७६ को उपधारा २ बमोजिम तीन दिनको समय दिएर दुई वा दुईभन्दा बढी दलको समर्थनमा बहुमतप्राप्त प्रतिनिधि सभा सदस्यलाई प्रधानमन्त्रीका रुपमा दाबी पेस गर्न आह्वान गरेकी थिइन्। त्यो समयभित्र कसैको पनि दाबी पेस नभएको राष्ट्रपति कार्यालयले जनाएको छ।
गठबन्धन सरकारका लागि राष्ट्रपतिले बिहीबार राति ९ बजेसम्मको लागि समय दिएकी थिइन् । यो समयभित्र गठबन्धनले सरकारको दाबी गर्न नआएकाले ठूलो दलको नेतालाई प्रधानमन्त्री नियुक्त गरेकी हुन् । यद्यपि उपधारा (३) अन्तर्गत बनेको सरकारले ३० दिनभित्र विश्वासको मत भने लिनुपर्नेछ ।
प्रधानमन्त्री नियुक्त भएसँगै ओलीले आफ्नो नयाँ मन्त्रिपरिषद पनि चयन गर्नेछन् । उनले एमालेका असन्तुष्ट पक्ष र जनता समाजावादी पार्टीका नेताहरूलाई समेत समेट्ने उनी निकट स्रोतले बताएको छ । माओवादीका तर्फबाट ७ जना मन्त्री रहेकोमा कोहि सांसद नै नभएको र कोहि माओवादीले कारबाही गरिसकेकाले पुनः नियुक्ति दिन मिल्ने कि नमिल्ने यसबारे टुंगो लागिसकेको छैन ।
एमालेभित्रको विग्रह मिल्ने दिशातिर गएपछि प्रमुख प्रतिपक्षी र माओवादी केन्द्रले गठबन्धन सरकार बन्ने सम्भावना नरहेको निष्कर्ष निकालेका थिए । जनता समाजवादी पार्टी विभाजित एमाले विवाद समाधानउन्मुख भएपछि ओली पुनः प्रधानमन्त्री बन्ने बाटो खुलेको हो ।
सम्बन्धित खबर
सल्यान बस दुर्घटनामा गम्भीर घाइते भएका एक जनाको मृत्यु
आज र भोलि भिटामिन ‘ए’ र जुकाको औषधि खुवाईंदै
आज देशभरको मौसम कस्तो रहन्छ?
गायिका एलिना चौहानले कसिन् लगनगाँठो
एन्फा उपाध्यक्ष दावा लामा पक्राउ
आज रामनवमी पर्व मनाइँदै
यो पनि पढौँ
स्याङ्जामा विवाहकै दिन बेहुलाबेहुली पक्राउ
आँखामा राख्दा पनि नबिझाउने ‘बिनोद सर’ अब सम्झनामा
जनकपुरको होटलमा बेहोस भेटिएकी पोखराकी युवतीको मृत्यु, सँगै बसेका २ युवक फरार
बालकुमारीमा मारिएकाका परिवारलाई कोरियाबाट आर्थिक सहयोग