Gandak News
Our News Your Views
Promote your business here Gandaknews

एसिड प्रहार गरी श्रीमती र छिमेकीलाई गम्भीर घाइते बनाएको अभियोगमा एक जना पक्राउ

सुनसरी।  श्रीमती र छिमेकी माथि एसिड प्रहार गरेको आरोपमा प्रहरीले एक जनालाई पक्राउ गरेको छ । बराहक्षेत्र ३ बस्ने ३० वर्षीया रोमन राजधामीलाई प्रहरीले पक्राउ गरेको हो ।

श्रीमतीलाई एसिड प्रहार गरेपछि फरार भएका राजधामीलाई इलाका प्रहरी कार्यालय महेन्द्रनगर बराहक्षेत्रको टोलीले महानगरीय प्रहरी वृत्त काठमाडौँबाट साउन १५ गते पक्राउ गरी प्रारम्भिक अनुसन्धानपछि सोमबार सार्वजनिक गरेको हो ।

मादक पदार्थ सेवन गरेका राजधामीले २८ वर्षीया श्रीमती सरस्वती बस्नेतलाई पसलबाट चुरोट ल्याउन लगाएको र नल्याइदिएपछि एसिड प्रहार गरेको प्रहरीले जनाएको छ । घटनापछि घरबाट भागेकी सरस्वतीलाई राजधामीले पछ्याउँदै गएका थिए । उनीहरुलाई छुट्याउन खोज्दा उनले छिमेकी ४३ वर्षीया श्यामकुमारीलाई समेत एसिड प्रहार गरेको अनुसन्धानबाट खुलेको प्रहरीले जनाएको छ ।

टाउको तथा अनुहारको भागमा चोट लागेर गम्भीर घाइते भएकी श्यामकुमारीको धरानस्थित वीपी कोइराला स्वास्थ्य विज्ञान प्रतिष्ठानमा उपचार भइरहेको भएपनि उपचार हुन नसकेपछि विराटनगर लगिएको छ। एसिड प्रहारपछि छुट्याउने क्रममा अन्य दुई जना छिमेकीलाई समेत एसिडको छिटा परेर घाइते भएको बताइएको छ ।

Pokhara Internet
प्रतिक्रिया
लोड हुँदै ...

छुटाउनुभयो कि ?

साताको ट्रेन्डिङ

पढ्न सिफारिस