नेपाली कांग्रेसका वरिष्ठ नेता रामचन्द्र पौडेलले र्वत्र असफल व्यक्ति बारम्बार सत्तामा पुग्नु यो देशको विडम्बना भएको भन्दै आक्रोश पोखेका छन्। सोमबार बिहानै एक फेसबुक पोष्ट मार्फत पाैडेलले पार्टी नेतृत्वप्रति चरम असन्तुष्टि व्यक्त गरेका छन्।
पौडेलको असन्तुष्टि पार्टीको महाधिवेशनमा भइरहेको ढिलाईप्रति थियो। उनले सभापति शेरबहादुर देउवाको चरम असफलता र लापरवाहीका कारण यो ढिलाइ भएको आरोप लगाएका छन्।
‘पार्टी विधानले चार वर्षको कार्यकाल तोकिएको छ। असाधारण परिस्थिति भनेर एक वर्ष थपियो। देशको संविधान समातेर ६ महिना बढाइयो। आज आएर त्यसभित्र पनि महाधिवेशन नगरेर नेपाली कांग्रेसलाई निर्वाचन आयोगसँग भिख माग्ने निरीह अवस्थामा पुर्याइरहेको छ’, पौडेलले फेसबुकमा लेखेका छन्।
कांग्रेसले संविधान अनुसार भनेर दोस्रो पटक थपेको समय पनि भदौ २३ गते सकिंदैछ। यो समयभित्र महाधिवेशन नभएर पार्टी संकटमा पर्ने पौडेलले चिन्ता व्यक्त गर्दै आएका छन्। तर देउवा भने निर्वाचन आयोगमार्फत समय थप्ने चर्चा चलेको छ। यही कुरालाई संकेत गर्दै पौडेलले कांग्रेसलाई निर्वाचन आयोगसँग भिख माग्ने निरीह अवस्थामा पुर्याइएको आरोप लगाएका छन्।
पार्टीमा महाधिवेशन विवाद चलिरहँदा सभापति देउवा सरकारको नेतृत्व गर्न पुगेका छन्। नेपाली कांग्रेसको विधानले हरेक चार वर्षमा पार्टी महाधिवेशन गर्नुपर्ने व्यवस्था गरेको छ। पार्टीको १३ औं महाधिवेशनबाट २०७२ फागुन २४ मा शेरबहादुर देउवा सभापति चुनिएका थिए। पटक पटकको ढिलाइपछि आगामी भदौ १६ देखि १९ को लागि कांग्रेसको १४ औं महाधिवेशनको समय तोकिएको छ। तर हालसम्म कांग्रेस क्रियाशील सदस्यताको विवादमै रुमलिरहेको छ।
सम्बन्धित खबर
मित्रराष्ट्रहरूसँग सरकारले माग्यो सहयोग
बाढी गएको चार दिनपछि टिमुरे-रसुवागढी क्षेत्रमा सरकारको उपस्थिति, चाउचाउ पुग्यो
अञ्जानमै कैद भएको दृश्य, त्यही पहिरोले ल्याएको थियो भोटेकोशीमा बाढी
बाढी प्रभावित क्षेत्रमा फोटो र भिडियो खिच्न नजानू : प्रहरी
मृत्य हुने पुष्टिको संख्या ६२६ पुग्यो, दुई हजार बढी बेपत्ता
नेपालका रवीन्द्र ढाँट इतिहास रच्दै रोड टु युएफसी सिजन–५ को फाइनलमा
यो पनि पढौँ
पोखराको मुख्यबजार क्षेत्रमै नालीमा बगे आमाछोरी
प्रार्थनाकै समयमा १६ सय ५० विद्यार्थी पढ्ने त्रिभुवन त्रिशुली मावि बगायो
प्रधानमन्त्री बालेनको भिडियो पत्रकारले खिच्दा सेनाले गर्यो डिलिट
गण्डकीमा एमालेका चार मन्त्रीको सामूहिक राजीनामा रोकियो