पोखरा । गएराति गएको भूकम्प परी जाजरकोट र रुकुम पश्चिममा गरी ज्यान गुमाउनेको संख्या १ सय ३७ पुगेको छ ।

पछिल्लो प्राप्त विवरण अनुसार जाजरकोटमा १ सय जना र रुकुम पश्चिममा ३८ जना गरी एक सय ३८ जनाको ज्यान गएको हो । भूकम्पका कारण एक सय ६६ जना घाइते भएका छन् । जाजरकोटमा ८१ जना र रुकुम पश्चिममा ८५ जना घाइते भएका हुन् ।

जाजरकोटमा घाइते भएका ८१ जनामध्ये २२ जनालाई थप उपचारको लागि सुर्खेत रेफर गरेको र बाँकेको जिल्लामै उपचार भइरहेको जिल्ला प्रहरी कार्यालय जाजरकोटले जनाएको छ । रुकुम पश्चिममा घाइते भएका ८५ जनामध्ये सात जनालाई सुर्खेत तथा १० जनालाई नेपालगञ्ज पठाएको र बाँकीको जिल्लामै उपचार भइरहेको छ ।

अहिले पनि खोज तथा उद्धारको काम चलिरहेको छ । भूकम्पका कारण सयौँ घर भत्किएका छन् ।

गएराति ११ बजेर ४७ मिनेटमा जाजरकोटको बारेकोट गाउँपालिका– १, रामीडाँडा केन्द्रविन्दु भएर ६ दशमलव ४ रेक्टर स्केलको भुकम्प गएको थियो ।