पोखरा स्वास्थ्य विज्ञान प्रतिष्ठानको गाडी अर्घाखाँचीमा दुर्घटनाग्रस्त हुँदा एक जना बालकको मृत्यु भएको छ ।
घटनामा परी ७ जना घाइते भएका छन्। सुपा देउराली माईको दर्शन गरेर फर्किएका प्रतिष्ठानका कर्मचारी बोकेको ग.३ च ४५७४ नम्बरको कार पाणिनि ८ पाली कोलडाँडामा दुर्घटनामा परेको हो।
दुर्घटनामा परेर अर्घाखांची जिल्लाको भुमिकास्थान ८ किमडांडा निवासी वर्ष ६ को आरम्भ क्षेत्री नाम गरेका बालकको मृत्यु भएको छ ।
पश्चिमाञ्चल क्षेत्रीय अस्पतालमा कार्यरत कार चालक भुमिकास्थान ८ किमडांडाका ३४ वर्षीय इश्वरी क्षेत्री, उनको श्रीमती ३० वर्षीया सम्झना क्षेत्री, दुई वर्षीया छोरी इभान्सी क्षेत्री, पोखरा १२ हस्पिटलचोककी ३० वर्षीया सबिता अधिकारी, सोही ठाउँकी ४२ वर्षीया गीता कंडेल, १५ वर्षीय प्रज्ज्वल कंडेल र वर्ष १० का जेशन बस्नेत घाइते भएका छन्।
उनीहरुको जिल्ला अस्पताल सन्धिखर्कमा उपचार भैरहेको जिल्ला प्रहरी कार्यालय अर्घाखाँचीले जनाएको छ। कार बाटोदेखि करिब डेढ सय मिटर तल खसेको बताइएको छ। उक्त कार किन र कसरी दुर्घटना भयो भन्ने बारेमा अनुसन्धान भैरहेको प्रहरीले जानकारी दिएको छ।
सम्बन्धित खबर
पोखरामा गाडीको ठक्करबाट पैदलयात्रीको मृत्यु
रास्वपाको चुनाव प्रचार गर्ने गाडीले ठक्कर दिँदा ४ जना घाइते
गोरखामा जिप दुर्घटना हुँदा चालकको मृत्यु
धादिङ बस दुर्घटना: १९ मृतकको पहिचान खुल्यो, मृतक तीन विदेशी
धादिङमा बस दुर्घटनाः मृतकको सङ्ख्या १९ पुग्यो, २२ बढी घाइते
लमजुङमा आफैले चलाएको ट्याक्टर पल्टिँदा च्यापिएर मृत्यु
यो पनि पढौँ
पोखरामा गाडीको ठक्करबाट पैदलयात्रीको मृत्यु
रास्वपाका नवनिर्वाचित दुई सांसदविरुद्ध सर्वोच्चमा रिट
कर्मचारीलाई शहरी विकास मन्त्रीको बिदाइ सम्बोधन– ‘म हारेँ, तपाईंहरूले जित्नुभयो, खुसी मनाउनुस्, भोज खानुस्’
आगामी तीन दिन भारी वर्षा र हुरीको सम्भावना, सचेत रहन आग्रह