सार्वजनिक सवारीमा यात्रुमाथि दुर्व्यवहार गरेको आरोपमा एक जीप चालकलाई स्याङ्जा प्रहरीले नियन्त्रणमा लिएको छ ।
सोमबार पोखराबाट वालिङतर्फ जाँदै गरेको ग १ ज ७०६६ नम्बरको सार्वजनिक जीपका चालकले सवारीमा सवार १६ वर्षीया बालिकामाथि अनुचित स्पर्श (Bad Touch) तथा अस्वाभाविक व्यवहार गरेको उजुरीपछि उनलाई पक्राउ गरिएको हो ।
उक्त घटनापछि जीपका चालक ४९ वर्षीय अन बहादुर गुरुङलाई वालिङ नगरपालिका–१ रामबाच्छा क्षेत्रबाट पक्राउ गरिएको जिल्ला प्रहरी कार्यालय स्याङ्जाका सूचना अधिकारी प्रहरी नायब उपरीक्षक प्रसन्न राज चौधरीले जानकारी दिए । पक्राउ पर्ने गुरुङ स्याङ्जाको बिरुवा गाउँपालिका–७ निवासी रहेका छन् ।
प्रहरीका अनुसार बालिकामाथी अनुचित स्पर्श तथा अस्वभाविक व्यवहार गरेको आरोपमा गुरुङविरुद्ध अनुसन्धान अघि बढाइएको छ । घटनापछि पीडित पक्षको उजुरीका आधारमा प्रहरी सक्रिय भएको थियो ।
प्रहरीले मंगलबार अदालतबाट सात दिनको म्याद थप अनुमति लिएर बाल यौन दुरुपयोगसम्बन्धी कसूरमा अनुसन्धान गरिरहेको जनाएको छ । घटनाबारे थप विवरण संकलन भइरहेको र आवश्यक कानुनी प्रक्रिया अघि बढाइने प्रहरीले बताएको छ ।
घटनापछि जिल्ला प्रहरी कार्यालय स्याङ्जाका सूचना अधिकारी प्रहरी नायब उपरीक्षक चौधरीले सार्वजनिक सवारीमा यात्रुको सुरक्षामा कुनै सम्झौता नगर्ने स्पष्ट पारे ।
उनले भने, “यात्रु, विशेषगरी बालबालिका र महिलामाथि हुने यस्ता गतिविधि सह्य हुँदैनन् । दोषी देखिएमा कडा कानुनी कारबाही गरिनेछ । साथै, यस्ता घटना देखे वा भोगेमा तत्काल प्रहरीलाई जानकारी दिन आग्रह गर्दछौं ।”
प्रहरीले सार्वजनिक सवारी प्रयोग गर्दा सतर्क रहन र कुनै पनि असामान्य गतिविधि देखिए तुरुन्त जानकारी गराउन सर्वसाधारणलाई अनुरोध गरेको छ ।
This will close in 4 seconds
सम्बन्धित खबर
विद्यमान परिस्थितिमा नेपालले सन्तुलित कूटनीति अपनाउनुपर्छ: गण्डकी मुख्यमन्त्री पाण्डे
सार्वजनिक स्थलमा धूम्रपान र सूर्ति सेवन नगर्न प्रशासनको आग्रह, उल्लंघन गरे कारबाही हुने
बिलभन्दा बढी सामान बोकेको बोलेरो नियन्त्रणमा
पोखराबाट भरतपुर र नेपालगञ्जसम्मको हवाई उडान स्थगित
बोक्रो फेरिँदैमा भित्री गुदी फेरिँदैन : सांसद रेग्मीलाई अर्जुनचौपारीको व्यंग्यात्मक जवाफ
महालेखा परीक्षक कार्यालयको प्रतिवेदन गण्डकी प्रदेश प्रमुख समक्ष पेस
यो पनि पढौँ
फिर्के खोलाका संरचना जेठ ९ गतेभित्र हटाउन महानगरको अन्तिम चेतावनी
फेवातालमा पौडी खेल्ने क्रममा डुबेर मृत्यु
सबै यात्रु पिसाब फेर्न ओर्लिनासाथ जिप भिरबाट खस्यो, चालकको मृत्यु
रविसँग रास्वपा सांसदका गुनासो, ‘प्रधानमन्त्री र मन्त्रीको सचिवालयले पनि टेरेन’