झण्डै तीन दशकअघि भएको हत्या घटनामा संलग्न एक फरार दोषी अन्ततः पक्राउ परेका छन् । भीरकोट नगरपालिका–२ का ६३ वर्षीय हेम बहादुर केसी (हेम बहादुर जोगी) लाई जिल्ला प्रहरी कार्यालय स्याङ्जाले विशेष अप्रेसनमार्फत बुधबार भीरकोट–२ भारथान लुवाडाँडाबाट पक्राउ गरेको हो ।
प्रहरीका अनुसार २०५३ साल कात्तिक ३ गते साविक वालिङ गाविस–३ सिद्धार्थ राजमार्ग क्षेत्रमा सोही गाविस–६ का रन बहादुर सारूको हत्या भएको थियो । उक्त घटनामा संलग्न रहेको अभियोगमा सर्वोच्च अदालतले केसीलाई १९ वर्ष ७ महिना २१ दिन कैद सजाय तोकेको थियो । फैसला भएयता उनी फरार रहँदै आएका थिए ।
पक्राउपछि बुधबारै आवश्यक कानुनी प्रक्रिया पूरा गरी स्याङ्जा जिल्ला अदालतमा उपस्थित गराइएको र कैद भुक्तानका लागि जिल्ला कारागार स्याङ्जा चलान गरिएको जिल्ला प्रहरी कार्यालय स्याङ्जाका सूचना अधिकारी प्रहरी नायब उपरीक्षक (डीएसपी) प्रसन्नराज चौधरीले जानकारी दिए ।
अनुसन्धानका क्रममा अभियुक्तले हत्या गरी घटनालाई सवारी दुर्घटनाजस्तो देखाउने प्रयास गरेको खुलेको छ । साथै, कानुनी कारबाहीबाट बच्न आफ्नो पहिचानसमेत परिवर्तन गरी फरक थरबाट नागरिकता बनाएको तथ्य पनि प्रहरीले पुष्टि गरेको छ ।
यसअघि पटक–पटक सोधपुछ हुँदा संलग्नता अस्वीकार गर्दै आएका केसीको भूमिकाबारे वैज्ञानिक अनुसन्धान र प्रमाणका आधारमा पुष्टि भएको प्रहरीले जनाएको छ ।
This will close in 4 seconds
सम्बन्धित खबर
विद्यमान परिस्थितिमा नेपालले सन्तुलित कूटनीति अपनाउनुपर्छ: गण्डकी मुख्यमन्त्री पाण्डे
सार्वजनिक स्थलमा धूम्रपान र सूर्ति सेवन नगर्न प्रशासनको आग्रह, उल्लंघन गरे कारबाही हुने
बिलभन्दा बढी सामान बोकेको बोलेरो नियन्त्रणमा
पोखराबाट भरतपुर र नेपालगञ्जसम्मको हवाई उडान स्थगित
बोक्रो फेरिँदैमा भित्री गुदी फेरिँदैन : सांसद रेग्मीलाई अर्जुनचौपारीको व्यंग्यात्मक जवाफ
महालेखा परीक्षक कार्यालयको प्रतिवेदन गण्डकी प्रदेश प्रमुख समक्ष पेस
यो पनि पढौँ
फिर्के खोलाका संरचना जेठ ९ गतेभित्र हटाउन महानगरको अन्तिम चेतावनी
सबै यात्रु पिसाब फेर्न ओर्लिनासाथ जिप भिरबाट खस्यो, चालकको मृत्यु
फेवातालमा पौडी खेल्ने क्रममा डुबेर मृत्यु
रविसँग रास्वपा सांसदका गुनासो, ‘प्रधानमन्त्री र मन्त्रीको सचिवालयले पनि टेरेन’