स्याङ्जाको अर्जुनचौपारी गाउँपालिका स्थित घट्टेखोलामा मोटरेबल पुलको शिलान्यास भएको छ ।
देशकै पहिलो पर्यटकीय ग्रामीण गाउँ सिरुवारी छोटो दुरीमा रहेतापनी उक्त खोलामा पुल नहुँदा अर्जुनचौपारीबाट जानुपर्दा जोखिमपूर्ण र लामो यात्रा गर्नुपर्ने बाध्यता पुलको शिलान्याससङ्गै पुल बन्ने भएपछी हट्ने भएको हो ।
दुई पालिका अर्जुनचौपारी र आँधीखोला हुँदै पर्वत जिल्ला जोड्ने उक्त खोलामा संघीय सांसद राजु थापा र अर्जुनचौपारी गाउँपालिकाका प्रमुख प्रकाश तिवारीले शुक्रबार संयुक्त रुपमा मोटरेबल पुलको शिलान्यास गरेका हुन् ।
उक्त शिलान्यास कार्यक्रममा सांसद थापाले विकास हुन समय लाग्ने एकैपटक नहुने बताउँदै पालिकाको विकास निर्माणमा युवाहरुको सक्रियता अपरिहार्य रहेकोमा सबैलाई साथ र सहयोग गर्न आग्रह गरे ।
संघीय सरकारको ५० लाख र बाँकी पालिकाको बजेटमा साँढे १० मिटर लम्बाई र साँढे ५ मिटर चौडाइ कायम हुने गरि मोटरेबल पुल निर्माण गर्न लागेको पालिकाका सब-इन्जिनियर सन्दिप बोगटीले जानकारी दिए ।
शिलान्याससङै बन्न लागेको मोटरेबल पुल अँगेरे भँगेरे निर्माण सेवा कम्पनीले टेन्डर रकममा २७ प्रतिशत छाडेर एक करोड १६ लाख ५४ हजार ६९ रुपियाँ ४५ पैसामा एक वर्ष भित्रमा निर्माण सम्पन्न गर्ने गरि गत पौष १२ गते सम्झौता गरेको थियो ।
यहि खोलामा पुल नहुँदा चार वर्ष पहिला पुल शिलान्यासमा आएका तत्कालीन भौतिक पुर्वाधार मन्त्री रघुवीर महासेठको गाडी बगाएको थियो ।
सम्बन्धित खबर
अकबरे खुर्सानीमार्फत बाँझो जमिनलाई आम्दानीसँग जोड्दै भीरकोट
सडकबाट ट्रिपर खस्दा एक जनाको मृत्यु, चालक फरार
श्याम स्मृति फुटबल प्रतियोगिता २६ वर्षपछि पुनः सञ्चालनमा
सरकारी विज्ञापन नीतिविरुद्ध स्याङ्जाका पत्रकारको दबाब, प्रधानमन्त्रीलाई हस्ताक्षरसहित मागपत्र
पूर्वविद्यार्थीको पहलमा भीरकोटका दुई विद्यालयमा कम्प्युटर सहयोग
नेपाल पत्रकार महासंघ स्याङ्जाद्वारा तीन पूर्व अध्यक्षलाई सम्मान
यो पनि पढौँ
शान्ति निकेतनमा कक्षा ११ का पहिलो ब्याचका विद्यार्थीलाई स्वागत र अभिमुखीकरण
प्रतिभाले नयाँ विद्यार्थीलाई सपथ खुवाउँदै गर्यो स्वागत
बेगनास तालमा पौडी खेल्ने क्रममा डुबेर युवकको मृत्यु
सचिवको एसएमएसमाथि प्रधानमन्त्री पदमा रहेकाबाट गरिएको ‘मजाक’लाई मन्त्री, सांसदको साथ