सिद्धार्थ राजमार्ग अन्तर्गत स्याङ्जाको पुतलीबजार नगरपालिका–१ शहिदचोकमा प्रहरीले बिना बिल तथा बिलभन्दा बढी सामान ओसारपसार गरिरहेको बोलेरो पिकअप जिपसहित विभिन्न सामग्री नियन्त्रणमा लिएको छ ।
जिल्ला प्रहरी कार्यालय स्याङ्जाबाट खटिएको चेकिङ टोलीले सोमबार बिहान बुटवलबाट पोखरातर्फ जाँदै गरेको लुम्बिनी प्रदेश ०१–००१ च २१७५ नम्बरको बोलेरो पिकअपलाई रोकेर चेकजाँच गरेको थियो । चेकजाँचका क्रममा बिलमा उल्लेख भएभन्दा बढी परिमाणमा विभिन्न रासायनिक तथा सरसफाइ सामग्री ल्याइएको फेला परेको प्रहरीले जनाएको छ ।
प्रहरीले उक्त गाडीबाट कस्टिक सोडा, टर्पिन आयल, लिक्विड सोप, टाइल्स क्लिनर, मार्बल क्लिन, नाइट्रिक एसिड, टीआर भोल लगायतका सामग्री बरामद गरेको हो । बरामद सामग्रीको अनुमानित मूल्य १ लाख ३७ हजार १ सय ७५ रुपैयाँ रहेको प्रहरीले जनाएको छ ।
जिल्ला प्रहरी कार्यालय स्याङ्जाका प्रहरी निरीक्षक अमृत त्रिपाठीले चेकजाँचका क्रममा शंकास्पद रूपमा सामान बोकेको गाडी फेला परेपछि विस्तृत परीक्षण गरिएको बताए ।
उनका अनुसार बिलभन्दा बढी सामान भेटिएपछि गाडी र सामग्री नियन्त्रणमा लिएर आवश्यक अनुसन्धान तथा कारबाहीका लागि भैरहवा भन्सार कार्यालय बेलहिया, रुपन्देही पठाइएको छ ।
प्रहरी निरीक्षक त्रिपाठीले राजमार्ग हुँदै हुने अवैध सामान ओसारपसार नियन्त्रणका लागि नियमित चेकजाँचलाई थप कडाइ गरिएको पनि बताए ।
This will close in 4 seconds
सम्बन्धित खबर
स्याङ्जा प्रवेश गर्ने पर्यटकका लागि प्रहरीको क्यूआर सेवा, एकै स्क्यानमा यात्रासम्बन्धी सम्पूर्ण जानकारी
स्याङ्जामा पर्यटकको नयाँ गन्तव्य : म्हाँजु भञ्ज्याङ बन्दै आकर्षण
स्याङ्जाका ११ स्थानीय तहको बजेट सार्वजनिक, ल्याए झण्डै ७ अर्बको बजेट
स्याङ्जामा जिप दुर्घटना हुँदा एक जनाको मृत्यु, २० जना घाइते
राम्दी–गल्याङ नाकाबाट पर्यटकलाई स्वागत, स्याङ्जाले सुरु गर्यो नयाँ पर्यटन अभियान
२५ वर्षअघि चोरी मुद्दामा सजाय तोकिएका फरार प्रतिवादी पक्राउ
यो पनि पढौँ
रवि लामिछानेसँग सभापति भिड्न आँटेका साहलाई प्रतिनिधिबाट हटाइयो
हिरासतभित्रै छिरेर ज्यान मार्ने धम्की दिएको भन्दै गृहमन्त्री गुरुङविरुद्ध उजुरी
फेवातालमा बेपत्ता युवकको शव फेला
जेठी श्रीमती मार्दा कैद मिनाहा पाएका यामबहादुरले कान्छीलाई पनि बाँकी राखेनन्