तनहुँ । जिल्ला प्रहरी कार्यालय तनहुँले बहु विवाह मुद्दामा फरार व्यक्ति १ वर्षपछी पक्राउ गरेको छ ।

तत्काल धरौटी दाखिला गरी थुनामुक्त भएका जिल्लाको व्यास नगरपालिका वडा नं १२ सुपारेडाँडा बस्ने ३० वर्षीय करण बहादुर परियारमाथि तनहुँ जिल्ला अदालतको मिति २०७५ पुष १९ गतेको फैसलाले १ वर्ष ६ महिना कैद र ५ हजार जरिवाना हुने गरी सजाय ठहर भएको थियो ।

उक्त कैद मध्ये १ बर्ष ५ महिना १३ दिन कैद तथा जरिवाना भुक्तान नगरी हालसम्म फरार रहेका करण बहादुर परियारको खोजतलास गर्ने क्रममा गत भदौ २१ गते दिउसो उनकै घरमा फेला पारी कानूनी रितपुर्वक पक्राउ गरी तनहुँ जिल्ला अदालत समक्ष पेश गरेकोमा बाँकी रहेको कैद भुक्तानको लागी कारागार कार्यालय तनहुँ पठाएको जिल्ला प्रहरी कार्यालय तनहुँका प्रहरी नायव उपरीक्षक युवराज तिमिल्सिनाले जानकारी दिए ।

चोरी मुद्दामा फरार व्यक्ती ४ बर्ष पछी पक्राउ

जिल्ला प्रहरी कार्यालय तनहुँले चोरी मुद्दामा फरार रहेका जिल्लाको आबुखैरेनी गाउँपालिका वडा नं २ बस्ने २० वर्षीय सुमित गुरुङ माथि चितवन जिल्ला अदालतको मिति २०७३ चैत १३ गतेको फैसला अनुसार ३ दिन कैद भुक्तान नगरी हालसम्म फरार रहेका उनको खोजतलास गर्ने क्रममा ईलाका प्रहरी कार्यालय आबुखैरेनीबाट खटिएको प्रहरी टोलीले भदौ २१ गते बिहान उनको सम्बन्धित घरमा फेला पारि पक्राउ गरेको हो ।

तनहुँ जिल्ला अदालत समक्ष पेश गरेकोमा बाँकी रहेको कैद भुक्तानको लागी कारागार कार्यालय तनहुँ पठाएको जिल्ला प्रहरी कार्यालय तनहुँका प्रहरी नायव उपरीक्षक युवराज तिमिल्सिनाले जानकारी दिए ।

जिल्ला प्रहरी कार्यालय तनहुँले विभिन्न अपराध एवं मुद्दाहरुमा संलग्न रही फरार रहेका तथा सम्मानित अदालतबाट फैसला भई दण्ड, जरिवाना, दसौदी, कोर्ट फि र सरकारी बिगो समेत तिर्न बाँकी भएका व्यक्तीहरुको खोजी गर्ने कार्य तिब्रता दिदै आएको छ ।