तनहुँ । तनहुँको म्याग्दे गाउँपालिकाको प्रशासकीय भवनको बुधबार शिलान्यास गरिएको छ ।
बुधबार पुर्वसभामुख तारानाथ रानाभाटले शिलान्यास गरेका हुन् । सो अवसरमा बोल्दै रानाभाटले भने ‘भवन तोकिएकै समयमा निर्माण सम्पन्न हुनुपर्छ ।’
उक्त भवन दुई वर्ष भित्र निर्माण सम्पन्न गर्ने गरी सम्झौता भएको गाउँपालिकाकी अध्यक्ष माया रानाले जानकारी दिईन । भवन १० करोड ३५ लाख ६९ हजार ८८४ रुपैयाँको लागतमा निर्माण हुन लागेको अध्यक्ष रानाले बताईन ।
भवन दुई चरणमा निर्माण सम्पन्न हुनेछ । चालु आर्थिक वर्षमा जमिन मिलाउने, नाली मिलाउने लगाएतका काम हुनेछ भने आगामी आवमा भवन, पार्क र गेट निर्माण हुने लक्ष्य राखिएको गाउँपालिकाले जनाएको छ ।
उक्त भवन म्याग्दे-४ नारिङ्गेमा निर्माण गर्न लागिएको हो । गत २०७६ फागुन २७ को गाउँसभाले उक्त स्थानलाई गाउँपालिकाको केन्द्र र भवन निर्माण गर्ने निर्णय गरेको थियो ।
शिलान्यास कार्यक्रमको अध्यक्षता गाउँपालिका अध्यक्ष माया रानाले गरेकी थिइन् । त्यस्तै कार्यक्रममा गण्डकी प्रदेशका संसद डोबाटे विक, सरिता गुरुङ, जिल्ला समन्वय समिति तनहुँका प्रमुख शान्तिरमण वाग्ले, जिसस उपप्रमुख पवित्रा पौडेल, व्यास नगरपालिकाका प्रमुख वैकुण्ठ न्यौपाने, शुक्लागण्डकी नगरपालिकाका प्रमुख किसान गुरुङ, रिसिङ गाउँपालिकाका अध्यक्ष राजेन्द्र कृष्ण श्रेष्ठ, प्रमुख जिल्ला अधिकारी सागर आचार्य, नेकपा प्रदेश कमिटि सदस्य अतिन्द्र केशरी न्यौपाने, नेपाली कांग्रेस तनहुँका कार्यबहाक सभापति जितप्रकाश आले लगाएतले शुभकामना मन्तव्य राखेका थिए ।
सम्बन्धित खबर
अकबरे खुर्सानीमार्फत बाँझो जमिनलाई आम्दानीसँग जोड्दै भीरकोट
रास्वपा गण्डकीको सभापतिमा त्रिपाठी निर्वाचित
सडकबाट ट्रिपर खस्दा एक जनाको मृत्यु, चालक फरार
श्याम स्मृति फुटबल प्रतियोगिता २६ वर्षपछि पुनः सञ्चालनमा
सरकारी विज्ञापन नीतिविरुद्ध स्याङ्जाका पत्रकारको दबाब, प्रधानमन्त्रीलाई हस्ताक्षरसहित मागपत्र
पूर्वविद्यार्थीको पहलमा भीरकोटका दुई विद्यालयमा कम्प्युटर सहयोग
यो पनि पढौँ
शान्ति निकेतनमा कक्षा ११ का पहिलो ब्याचका विद्यार्थीलाई स्वागत र अभिमुखीकरण
प्रतिभाले नयाँ विद्यार्थीलाई सपथ खुवाउँदै गर्यो स्वागत
बेगनास तालमा पौडी खेल्ने क्रममा डुबेर युवकको मृत्यु
सचिवको एसएमएसमाथि प्रधानमन्त्री पदमा रहेकाबाट गरिएको ‘मजाक’लाई मन्त्री, सांसदको साथ