‘सबैका लागि शिक्षा मन्त्र’ का साथ विभिन्न जिल्ला स्थित विद्यालयहरुमा शैक्षिक सामाग्री वितरण गर्दै आएकी बाल अभियन्ता प्रेन्सा रेग्मीले ‘प्रेन्सा बुक बैंक’ अवधारणा अघि सारेकी छिन् । उसो त उनले कोरोनाको कहरको बेला मास्क वितरण, फुड बैंक, कपडा बैंक नै स्थापना गरी सेवा गरेकी थिईन् ।
पोखरामा बस्दै आएकी रेग्मीले सरसफाई अभियान र १८ वर्ष उमेर नपुगेका बालबालिकालाई खैनी, चुरोट, मदिरा बिक्री बितरण गर्ने कार्यमा रोक लगाउने अभियान पनि चलाइसकेकी छिन् ।
कोरोना भाइरसले प्रभावित पारेको बेला हुनेले दिने र नहुनेले लिएर खाने फुड बैंक, दशैंतिहारको माहोलमा गरिब बालबालिका देखि मजदुर तथा नहुने सबै बर्गलाई लक्षित गरी कपडा बैंक, शहरमा बढ्दो फोहोरलाई नियन्त्रण गर्नको लागि डोकोहरू चोक–चोकमा झुन्डाएको जस्ता कार्यबाट वाहवाही समेत उनले कमाइसकेकी छिन् ।
अहिले उनले आफूले पढेको किताबहरू अरूको लागि काम लाग्ने भनेर बुक स्टोर खोलेको जनाएकी छिन्। ‘निःशुल्क किताब सहयोग गरौं र निशुल्क किताब लैजाऔं’ नाराका साथ पोखरा ५ प्रस्याङमा उनले किताब स्टोर्स सञ्चालन गरेकी हुन् ।
‘किताब कहिले पनि पूरानो हुँदैन, हजुरको लागि किताब पूरानो हुन सक्छ तर किताब किन्न नसक्नेको लागि नयाँ हुन सक्छ । त्यसैले हजुरसँग भएको पूरानो किताब सहयोग गरिदिनुहुनेछ भन्ने आशा लिएकी छु ।’- उनले भनिन् ।
पैसाले मात्र समाजसेवा नहुने र सानासाना विकृतिलाई सुधारेपनि समाजसेवा हुने उनको धारणा छ । कुनै पनि सहयोग सानो नहुने र हरेक कामहरू देशको लागि एकदमै महत्त्व र योगदान दिने खालको हुने पनि उनको भनाई छ ।
सम्बन्धित खबर
गण्डकीका मुख्यमन्त्री अधिकारीको २३ गते विश्वासको मत लिने तयारी
सूर्य दर्शन सहकारीका दुई जनालाई थुनामै राख्ने आदेश सदर
पर्वतको जलजलामा दम्पती हत्याकाण्ड: दुई आरोपी प्रहरीद्वारा सार्वजनिक
पोखराको बिजुली पसल गोदाममा आगलागी हुँदा ८० लाख बढीको क्षति
पोखरामा छोरीसँग झगडा गरेको भन्दै युवतीमाथि हतियार प्रहार गर्ने स्याङ्जाका सोम प्रकाउ
पोखरामा अवैध लागु औषधसहित २ जना पक्राउ
यो पनि पढौँ
स्याङ्जामा विवाहकै दिन बेहुलाबेहुली पक्राउ
आँखामा राख्दा पनि नबिझाउने ‘बिनोद सर’ अब सम्झनामा
जनकपुरको होटलमा बेहोस भेटिएकी पोखराकी युवतीको मृत्यु, सँगै बसेका २ युवक फरार
बालकुमारीमा मारिएकाका परिवारलाई कोरियाबाट आर्थिक सहयोग