काठमाडौं, २९ कात्तिक– चुनावी प्रचारको लागि घरदैलो अभियानमा हिँडेका एमाले नेता राजेन्द्र पाण्डे घाईते भएका छन् । धादिङको प्रदेशसभा तर्फ क्षेत्र नम्बर १ (१) का उम्मेदवार रहेका पाण्डे सँयुक्त बाम गठबन्धनको चुनावी अभियानका क्रममा लडेर घाईते भएका हुन् ।

धुनिबेशी नगरपालिका ७ तोप्लाङ नजिक लडेर टाउको ढुङ्गामा ठोक्किँदा पाण्डेको टाउको, निधार, गाला र हातमा चोट लागेको छ । पौने एक बजे लडेर घाईते पाण्डेको नौबिसे स्थित नौबिसे स्वास्थ्य सँस्थामा सामान्य उपचार गराई काठमाण्डौँको मनमोहन अस्पतालमा साँझ ५ बजे देखी उपचार सुरु भएको छ ।

धुनिबेशीको चिसापानी र तोप्लाङमा चुनाव सभा गरी मझुवा तर्फ जाँदै गर्दा बाटोमा लडेर पाण्डे घाईते भएका हुन् ।  उनका सहयोगी निदेश घिमिरेले भने,‘भिरालो र चिप्लो बाटो थियो । उहाँ लड्नुभयो, ढुङ्गामा टाउँको ठोकिएर गम्भीर चोट लागेको छ । उपचारको लागि हामीले भर्खरै मात्रै मनमोहन अस्पतालमा ल्याएका छौं ।’

Pic. Nagarikpati.com