स्याङ्जा, २६ मंसिर । स्याङ्जाका दुवै प्रतिनिधिसभा निर्वाचन क्षेत्रमा बाम गठबन्धनका तर्फबाट एमालेका उम्मेदवार विजयी भएका छन् । क्षेत्र नं. १ मा नारायण मरासिनी र २ मा पद्मा अर्याल विजयी भईन् ।

मरासिनी १० हजार ७०२ मतान्तरले बिजयी भएका हुन् । मरासिनीले ३९ हजार ४३३ मत पाउँदा राजु थापाले २८ हजार ७३१ मत प्राप्त गरे । क्षेत्र नं. २ मा पद्मा अर्यालले ३ हजार ७०५ मतान्तरले उपप्रधानमन्त्री एवं शिक्षामन्त्री समेत रहेका काँग्रेस नेता गोपालमान श्रेष्ठलाई पराजित गरिन् । अर्यालले ३५ हजार १४१ र श्रेष्ठले ३१ हजार ४३६ मत प्राप्त गरे ।

निर्वाचन क्षेत्र नम्ब र १ प्रदेश क र ख संगै क्षेत्र नम्बर २ प्रदेश क मा बाम गठबन्धनका उमेदवार बिजयी भएका छन । निर्वाचन क्षेत्र नम्बर १ क मा बाम गठबन्धनका तर्फबाट माओवादी केन्द्रका उमेदवार दिपक चर्ती मगर र प्रदेश ख मा एमालेका मीन प्रसाद गुरुङ बिजयी भएका छन भने क्षेत्र नम्बर २ प्रदेश क मा बाम गठबन्धनका उमेदवार मोहन रेग्मी बिजयी भएका छन ।

क्षेत्र नम्बर १ क मा कांग्रेस स्याङजाका सभापति समेत रहेका कमल पंगेनीलाई २७२६ मत अन्तरले पराजित गरेका हुन । बाम गठबन्धनका मगरले १७ हजार ३ सय ९२ मत ल्याउदा नेपाली कांग्रेसका कमल पंगेनीले १४ हजार ६ सय ६६ मत ल्याएका थिए । त्यसैगरी प्रदेश ख मा बाम गठबन्धनका मीन प्रसाद गुरुङले ५ हजार ७ सय ३८ मत अन्तरले नेपाली कांग्रेसका तुलसी गिरीलाई पराजित गरेका छन । गिरीले २० हजार २ सय ४८ मत ल्याउदा गुरुङले २४ हजार ५ सय १० मत प्राप्त गरेका थिए ।

त्यस्तै क्षेत्र नम्बर २ को प्रदेश सभा क मा बाम गठबन्धनका उमेदवार मोहन रेग्मीले नेपाली कांग्रेसका विष्णु पौडेललाई ३ हजार ४ सय ७३ मत अन्तरले पराजित गरेका छन । रेग्मीले १६ हजार ६ सय १३ मत ल्याउदा पौडेलले १३ हजार १ सय ४० मत प्राप्त गरेका थिए ।

त्यसैगरी प्रदेश सभा ख मा नेपाली कांग्रेसका उमेदवार भागवत प्रकाश मल्लले बाम गठबन्धनका सूर्य प्रसाद गैरेलाई पराजित गरे ।