पोखरा, १५ फागुन । पोखरा लेखनाथ महानगरपालिका – ३० पावर हाउस चोकमा ट्रकको ठक्करबाट एक जनाको मृत्यु भएको छ ।

तनहुँबाट पोखरा तर्फ आउदै गरेको ना २ ख ३६६९ नं को ट्रकले ठक्कर दिदाँ ३६ बर्षीय जित बहादुर पुनको मृत्यु भएको प्रहरीले जनाएको छ । रुकुम घर भई हाल पोखरा लेखनाथ महानगरपालिका ३२ खुदीखोलामा डेरा गरी बस्दै आएका पुन दुर्घटनाबाट सख्त घाइते भएका थिए ।

घाइते पुनको पश्चिमान्चल क्षेत्रिय अस्पताल पोखरामा उपचारको क्रममा मंगलबार बिहान करिब १० बजेको समयमा मृत्यु भएको प्रहरीले उल्लेख गरेको छ । प्रहरीले ट्रक चालक तथा लाई ट्रकलाइ नियन्त्रणमा लिएको जनाएको छ ।

तनहुँमा स्कुल बसको ठक्करबाट वृद्धाको मृत्यु

तनहुँमा स्कुल बसको ठक्करबाट एक वृद्धाको मृत्यु भएको छ । तनहुँको व्यास नगरपालिका–१ गल्फुबेशीमा ज्ञान गंगा बोडिङ स्कुलको ग १ क १७१८ नं.को बसले ठक्कर दिदाँ पैदलयात्री ९५ वर्षीय विष्णुमाया पन्थको मृत्यु भएको हो ।

मंगलबार दिउसो करिब ४ बजेको समयमा गल्फुबेशीमा विद्यार्थी छोड्दै भादगाउँ तर्फ जाँदै गरेको बसले ठक्कर दिँदा पन्थकोको घटनास्थलमै मृत्यु भएको प्रहरीले जनाएको छ । बस चालकलाई प्रहरीले नियन्त्रणमा लिएको जनाएको छ ।